完整藏文原文 · 德格版页 当前仅加载第 87 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དང་རྒྱལ་པོ་དབང་སྒྱུར་གྱི་ཁང་པ་ཆེན་པོ་དེར་བཅོམ་ལྡན་འདས་རྣམ་པར་སྣང་མཛད་དེ་ལ་བལྟ་བ་དང་ཕྱག་བྱ་བའི་ཕྱིར་སོང་ཤིག་ཅེས་བཏང་ངོ་། །དེ་ནས་བྱང་ཆུབ་སེམས་དཔའ་སྤྲིན་གྱི་སྙིང་པོ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་
D496.087.0007a01.01དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་བྱས་ཏེ། ཇི་ལྟར་འོངས་པ་
D496.087.0007a02.01བཞིན་དུ། ཤར་ལྷོའི་ཕྱོགས་མཚམས་ཉིད་དུ་གནས་ནས་སྤྲིན་ཆེན་པོ་རྡོ་རྗེ་མཆོག་གི་ལུས་ཀྱི་རྣམ་པར་རིག་པའི་སྤྲིན་རྣམས་ཀྱིས་པདྨ་ཆེན་པོའི་རྒྱལ་པོའི་སྤྲིན་བྱིན་གྱིས་བརླབས་ནས། མཆོད་པ་ཆེན་པོའི་མཆོག་གི་སྤྲིན་རྣམས་ཀྱིས་འཇིག་རྟེན་གྱི་ཁམས་ཐམས་ཅད་རྒྱས་པར་
D496.087.0007a03.01འགེངས་ཤིང་འདུག་གོ། །ལྷོ་ནུབ་ཀྱི་ཕྱོགས་མཚམས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡག་དག་པར་རྫོགས་པའི་སངས་རྒྱས་རྡོ་རྗེ་ཆེན་པོའི་ཏོག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་དཔའ་བོ་ལ་རྡོ་རྗེ་ལས་བྱུང་བའི་སྙིང་པོ་སྦྱིན་པར་
D496.087.0007a04.01མཛད་དོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་ཏོག་གིས། རྡོ་རྗེ་ཆེན་པོ་ལས་བྱུང་བའི་སྙིང་པོ་འདི་གསུངས་སོ། །ན་མཿསརྦ་མུ་ཁེ་བྷྱཿ སརྦ་ཏ་ཐཱ་ག་ཏེ་བྷྱཿ སརྦ་ཐཱ་བཛྲོདྡྷུ་བེ་སྭཱ་ཧཱ། འདི་བྱིན་ནས་
D496.087.0007a05.01བཏང་ངོ་། །དེ་ནས་བྱང་ཆུབ་སེམས་དཔའ་རྡོ་རྗེ་དཔའ་བོ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་
D496.087.0007a06.01དག་དང་ལྷན་ཅིག་ཏུ་འཇིག་རྟེན་གྱི་ཁམས་མེ་ཏོག་གི་གཞིའི་སྙིང་པོའི་རྒྱན་བཀོད་པ་ག་ལ་བ་དང་། རྒྱལ་པོ་དབང་སྒྱུར་གྱི་ཁང་པ་ག་ལ་བ་དང་། བཅོམ་ལྡན་འདས་རྣམ་པར་སྣང་མཛད་ག་ལ་བ་དེར་སོང་ནས། བཅོམ་ལྡན་འདས་ལ་ལན་བརྒྱ་སྟོང་དུ་མར་བསྐོར་བ་
D496.087.0007a07.01