完整藏文原文 · 德格版页 当前仅加载第 82 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
རྣལ་འབྱོར་མངོན་པར་སངས་རྒྱས་པ། །བདེན་གཉིས་ཟུང་འཇུག་རྟོགས་པ་ལས། །སྤྲོས་བྲལ་མཐའ་དང་བྲལ་བའི་ཆོས། །སྒོམ་པའི་ལམ་ཞེས་ས་རྣམས་བགྲོད། །སྐད་ཅིག་ཡེ་ཤེས་འཆར་ཚུལ་ལ། །གོམ་པ་གོམས་པའི་ལམ་གྱུར་པས། །སྐུ་བཞིའི་གོ་
D453.082.0109b01.01འཕང་མངོན་དུ་བྱེད། །ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། སའི་སྙིང་པོ་དང་། ཕྱག་ན་རྡོ་རྗེ་དང་། ནམ་མཁའི་སྙིང་པོ་དང་། འཇམ་པའི་དབྱངས་དང་། སྤྱན་རས་གཟིགས་དབང་ཕྱུག་དང་། སྒྲིབ་པ་ཐམས་
D453.082.0109b02.01ཅད་རྣམ་པར་སེལ་བ་དང་། ཀུན་དུ་བཟང་པོ་ལ་སོགས་པ་རྣམས་བདེ་བ་དང་། ཡིད་བདེ་བ་དང་དང་བ་ཁྱད་པར་ཅན་ཐོབ་ནས་སྟན་ལས་ལངས་ཏེ། ཕྱག་དང་བསྐོར་བ་དུ་མ་བྱས་ཏེ་ཆེད་དུ་རྗོད་པ་འདི་ཆེད་དུ་བརྗོད་དོ། །ཨེ་མའོ་རང་འབྱུང་རྒྱལ་བའི་གཞི། །རྡོ་རྗེ་
D453.082.0109b03.01ཐེག་པ་གསང་བ་ལས། །ཕྱི་མའི་དུས་ན་གང་བྱུང་པའི། །རྣལ་འབྱོར་པ་རྣམས་དེ་བཞིན་གཤེགས། །ཤཱཀྱ་ཐུབ་པའི་བསྟན་པ་ལ། །སྙིགས་མ་ལྔ་ལྡན་དུས་དག་ཏུ། །རྡོ་རྗེའི་ཐེག་པ་གང་འཛིན་པ། །དེ་དག་སངས་རྒྱས་སྲས་ཉིད་འགྱུར། །རྡོ་རྗེ་སྐུ་གསུང་
D453.082.0109b04.01ཐུགས་ལ་ངེས་གནས་པས། །བྱང་ཆུབ་སེམས་མཆོག་རྣམས་ལ་རྟག་མཆོད་བྱེད། །ཞེས་གསུངས་ཏེ། མེ་ཏོག་གི་ཆར་ཆེན་པོ་མངོན་པར་ཕབ་ནས། བཅོམ་ལྡན་འདས་ཀྱི་སྐུ་ལ་མངོན་པར་གཏོར་ཏོ། །རབ་ཏུ་གཏོར་ཏོ། །དེ་བཞིན་གཤེགས་པ་ཐམས་
D453.082.0109b05.01ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་གསང་བ་གསང་བ་འདུས་པ་དཔལ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་ཕྱག་རྒྱ་ཆེན་པོ་ངེས་པར་འབྱེད་པ་ཞེས་བྱ་བའི་ལེའུ་སྟེ་ལྔ་པའོ།། །།དེ་ནས་རྒྱལ་པོ་རྡོ་རྗེ་འཛིན། །
D453.082.0109b06.01ཐམས་ཅད་ནམ་མཁའ་མི་འགྱུར་ཆེ། །གསང་བ་འཛིན་པ་ཐམས་ཅད་ལ། །མཆོག་ནི་སྟོན་ཕྱིར་ཡང་དག་བཞུགས། །ཨེ་མའོ་གསང་བའི་གནས་ཀྱི་མཆོག །ཨེ་མའོ་སྙིང་པོ་ཀུན་བསྡུས་པ། །ཨེ་མའོ་ཆོས་ཀྱི་གནས་ཞི་བ། །ཨེ་མའོ་རྡོ་རྗེ་རྣམ་པར་རྒྱལ། །
D453.082.0109b07.01