完整藏文原文 · 德格版页 当前仅加载第 82 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོན་ཀའི་ནམ་མཁའ་སྤྲིན་མེད་པ། །ཟླ་བའི་འོད་ཟེར་ཀུན་གསལ་ལྟར། །གཟུང་འཛིན་སྤངས་པའི་ཡེ་ཤེས་ནི། །བདག་གཞན་བཅས་པས་སྣང་བའོ། །སྟོན་དུས་སྤྲིན་མེད་ནམ་མཁའ་ལ། །ཉི་མ་གསལ་བར་ཤར་བ་བཞིན། །
D453.082.0110a01.01ཐབས་ཀྱི་ཡེ་ཤེས་གཉིས་པ་ནི། །དོན་དང་སེམས་བཅས་སྣང་བར་བྱེད། །སྤྲིན་མེད་མཁའ་དང་མུན་ལྟ་བུ། །སྣང་བྱེད་ཡེ་ཤེས་གོམས་བྱེད་པས། །རང་རིག་རྩལ་ལས་གྲུབ་པ་ཡི། །སྒྱུ་མའི་ལུས་ནི་ལེན་པར་བྱེད། །དེ་ཡང་ཡིད་ཀྱི་ལུས་ལྡན་པའི། །
D453.082.0110a02.01རྣལ་འབྱོར་པ་ཡིས་ཁམས་གསུམ་དུ། །བདག་དང་གཞན་གྱི་དོན་བྱས་ནས། །མཐར་ནི་རང་གནས་བདེ་བར་འགྲོ། །སྒྱུ་མའི་ལུས་ཙམ་ལ་བརྟེན་ལ། །རིལ་པོར་འཛིན་དང་རྗེས་གཞིག་གིས། །དངོས་པོ་ཐམས་ཅད་བཅོམ་ནས་ནི། །དེ་ནས་དག་
D453.082.0110a03.01པའི་ངང་དུ་གནས། །ཐོགས་པ་མེད་པའི་ཡེ་ཤེས་ཀྱིས། །སྣང་བ་ཐམས་ཅད་ནུབ་བྱས་ནས། །རང་འོད་རིག་མ་དབྱིངས་ཀྱི་དང་། །སྣང་བའི་ཡེ་ཤེས་ཁྱབ་པར་འགྱུར། །བདག་དང་གཞན་དུ་རྟོག་པ་ཡི། །རྣམ་རྟོག་དྲ་བ་བསལ་ནས་ནི། །བདག་མེད་
D453.082.0110a04.01དམིགས་པ་མེད་པ་རུ། །མཉམ་ཉིད་ཡེ་ཤེས་ཁྱབ་པར་བྱེད། །སྣང་བ་མེད་པའི་ཏིང་ངེ་འཛིན། །སྣང་བ་ཙམ་ཡང་འཛིན་མེད་པར། །ཡང་དང་ཡང་དུ་དོན་དམ་པའི། །བདེན་པ་མངོན་དུ་བྱེད་པ་ཅན། །འཇའ་ཚོན་ལུས་ཀྱིས་འབད་མེད་པའི། །འདོད་པ་ཐམས་
D453.082.0110a05.01ཅད་ནམ་མཁའ་ལས། །འབད་མེད་པར་ནི་སྩོལ་འགྱུར་ཏེ། །བདག་དང་གཞན་རྣམས་བདེ་བར་འཚོ། །རྡོ་རྗེ་འོད་ཀྱི་ལུས་བཟུང་ནས། །བདག་དང་གཞན་དོན་སྒྲུབ་འགྱུར་ལ། །དམིགས་པ་ཐམས་ཅད་ཟད་བྱེད་པས། །བགྲོད་མེད་གནས་སུ་བདེ་བར་
D453.082.0110a06.01འགྱུར། །རང་འོད་ཡེ་ཤེས་ལྡན་པའི་སྐུ། །འཇའ་ཚོན་བཞིན་དུ་མཐའ་མི་དམིགས། །སྟོང་པ་གསུམ་ལ་འདས་པ་པོ། །ཐོགས་མེད་སྙིང་རྗེ་འབྱུང་བར་འགྱུར། །དང་པོ་ས་ནི་ཆུ་ལ་ཐིམ། །ཆུ་ཡང་མེ་ལ་ཐིམ་འགྱུར་ཏེ། །མེ་ནི་རླུང་ལ་ཐིམ་གྱུར་ནས། །
D453.082.0110a07.01