完整藏文原文 · 德格版页 当前仅加载第 82 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། །དཔུང་རྒྱན་དོ་ཤལ་སྣ་ཚོགས་རྒྱན་དང་ལྡན། །ཡིད་བཞིན་ནོར་བུ་གཙུག་ཏོར་དབུས་མཚན་པ། །ལྷ་ཡི་ན་བཟའ་སྟོད་གཡོགས་ཤམ་ཐབས་བཅས། །ཉི་ཟླ་པདྨའི་དབུས་སུ་གསལ་བར་བསམ། །མ་ལུས་འོད་ཀྱི་འོད་འཕྲོ་འབར་བ་དང་། ཐུབ་པའི་དབང་པོ་སྤྲོ་བས་རྣམ་
D453.082.0240b01.01བརྒྱན་ཅིང་། །སྐྱོབ་པ་ནམ་མཁའི་ཡོངས་ཁྱབ་ཞིང་ཁམས་ཡིན། །དངོས་རྣམས་ཐམས་ཅད་གཟུང་དང་འཛིན་པ་དང་། །བྲལ་བ་དངོས་པོ་མེད་པ་ཉིད་དུ་ཤེས། །རྣམ་བྱང་གཅིག་ཏུ་མངོན་པར་ཞེན་པ་ནི། །མེད་པར་བྱིན་གྱིས་བརླབས་པ་འདི་ཉིད་བྱ། །ཨོཾ་དྷ་རྨ་དྷཱ་ཏུ་སྦ་བྷ་བ་
D453.082.0240b02.01ཨཱ་ཏྨ་ཀོ྅་ཧཾ། །དེ་འོག་རང་རིགས་ས་བོན་འོད་རྣམས་ཀྱིས། རང་གི་མིག་སོགས་གཏི་མུག་རྡོ་རྗེ་སོགས། །ཇི་བཞིན་བཀང་ནས་རང་སྙིང་དྲི་མེད་ཟླ་བ་ཡི། །རྡོ་རྗེ་ལྟེ་བའི་དབུས་གནས་ཧཱུྃ་ཡིག་སྟེ། །ཐུགས་ཀྱི་རྡོ་རྗེ་དེ་བཞིན་མགྲིན་པ་དང་། །མགོ་བོར་གནས་པ་པདྨ་འཁོར་ལོ་ཡི། །
D453.082.0240b03.01ཨཱཿདང་ཨོཾ་ནི་གསུང་གི་རྡོ་རྗེ་དང་། །སྐུ་ཡི་རྡོ་རྗེ་ཉིད་དུ་བསམ་པར་བྱ། །དེ་ཡི་ཐུགས་ཀའི་འོད་ཀྱི་ཚོགས་རྣམས་དང་། །ཤེས་རབ་དམ་པ་འདུས་པའི་འོད་རྣམས་ཀྱི། །ཀུན་ནས་རྒྱལ་བའི་དབང་པོ་མཆོད་ནས་ནི། །ཐུགས་ཀྱི་རྡོ་རྗེ་ལ་སོགས་བྱིན་གྱིས་བརླབ། །ནམ་མཁའ་
D453.082.0240b04.01ལྟ་བུའི་ངོ་བོར་རྡོ་རྗེ་གསུམ། །མཚན་ཉིད་དག་དང་བྲལ་བར་དམིགས་ནས་ནི། །ཕྱོགས་ཚོགས་ཀུན་ན་བཞུགས་པའི་ཐུབ་པའི་ཚོགས། །སྙིང་པོའི་འོད་ཟེར་རྣམས་ཀྱིས་ཡང་དག་བསྐུལ། །ཐུབ་པ་མཆོག་གི་འོད་ཟེར་ལས་བྱུང་བའི། །རིག་པའི་ཚོགས་རྣམས་བུམ་པ་
D453.082.0240b05.01ཕྱག་བསྣམས་ཏེ། །ཡེ་ཤེས་ཆུ་ཡིས་མངོན་པར་དབང་བསྐུར་བས། །རང་རིགས་གཙོ་བོས་ཅོད་པན་རྒྱས་བཏབ་གྱུར། །དེ་ལས་བདག་ཉིད་དམ་ཚིག་སེམས་དཔའ་ཡི། །ཐུགས་ཀར་ཟླ་བར་གནས་པའི་ཡེ་ཤེས་སེམས། །རང་འདྲ་མཚུངས་པའི་རྡོ་རྗེ་སེམས་དཔའ་
D453.082.0240b06.01བསམ། །དེ་ཡི་ཐུགས་ཀར་གསལ་བའི་དཀྱིལ་འཁོར་ལ། །ཏིང་འཛིན་སེམས་དཔའ་རྡོ་རྗེ་ས་བོན་བཅས། །ཁྱད་པར་གསང་བ་དམ་པ་དང་པོར་གནས། །དེ་བཞིན་རང་གི་ལྷ་འདྲ་རང་སྔགས་ཀྱིས། །སྤྲུལ་པའི་རིག་མ་ཉིད་ནི་ཡང་དག་བལྟ། །སྐྱེ་མཆེད་བྱིན་གྱིས་བརླབ་
D453.082.0240b07.01