完整藏文原文 · 德格版页 当前仅加载第 82 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པར་སྡུད་པའི་རླུང་དག་གིས། །འཕྲལ་དུ་བག་ཆགས་རྟོག་པ་གང་། །སྦུར་མ་ལྟ་བུར་སྡུད་པའི་ཕྱིར། །དག་པ་དེ་ཉིད་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཏི་
D453.082.0260b01.01མུག་རབ་ཟད་རྡོ་རྗེས་སངས་རྒྱས་ཐམས་ཅད་ཀྱི་འདུས་མ་བྱས་པའི་ཆོས་ཉིད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་མཁྱེན་དབང་པོ་མཆོག་འབྱུང་བ། །དངོས་པོའི་ཆོས་ལས་འདས་པ་ཡི། །དྲི་མ་ཀུན་ནས་སྤངས་པ་
D453.082.0260b02.01དག །གསང་བ་དེ་ཉིད་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དཔག་ཏུ་མེད་པའི་ཡེ་ཤེས་ཅན་སངས་རྒྱས་ཐམས་ཅད་ཀྱི་བརྗོད་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདྲེན་
D453.082.0260b03.01པའི་རྒྱལ་པོ་བླ་ན་མེད། །ཐབས་མཁས་ཐུགས་རྗེས་སྐྱོང་བ་པོ། །ཚད་མེད་བདེ་བའི་འབྱུང་གནས་ནི། །དེ་ཉིད་ཡེ་ཤེས་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཟླ་བ་བཟང་པོ་སངས་རྒྱས་ཐམས་ཅད་ཀྱི་བརྗོད་དུ་མེད་པའི་ཏིང་ངེ་འཛིན་ལ་སྙོམས་པར་
D453.082.0260b04.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གདུང་བ་སེལ་བའི་སྨན་གྱི་མཆོག །གསང་བ་འཆི་མེད་ཡེ་ཤེས་ཆུ། །རང་གཞན་མཆོག་ཏུ་ཐོབ་པ་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྤོབས་པ་མཐའ་ཡས་ཏོག་
D453.082.0260b05.01སངས་རྒྱས་ཐམས་ཅད་ཀྱི་བརྟག་ཏུ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཡེ་ཤེས་ལྷུན་གྲུབ་པ། །དེ་བས་མི་རྟོག་པར་བཤད་དེ། །བསམ་པའི་བྱེད་པ་ཡོད་མིན་ཏེ། །མེད་པའི་སེམས་སུ་གྱུར་མ་ཡིན། །
D453.082.0260b06.01ཞེས་གསུངས་སོ། །དེ་ནས་དེ་བཞིན་གཤེགས་པ་བརྟུལ་ཞུགས་བསྟར་བ་སངས་རྒྱས་ཐམས་ཅད་ཀྱི་སྤྱོད་ཡུལ་ཀུན་ལས་འདས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རྟོགས་པ་འགག་མེད་པ། །མི་རྟོག་སྙིང་པོ་གསང་
D453.082.0260b07.01