完整藏文原文 · 德格版页 当前仅加载第 82 函德格 136b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་འོད་ཀྱི་དྲ་བར་འཆར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་སྐུ་ནི་ཀུན་ཁྱབ་པས། །དེ་ཉིད་སྐུ་ལ་རབ་སྣང་བ། །ཞིང་ཁམས་རྡུལ་ཕྲན་སྐུར་འདུས་པ། །མི་ཟད་ཚུལ་འདི་བསྟན་པའོ། །ཞེས་གསུངས་
D453.082.0136b01.01སོ། །དེ་ནས་བཅོམ་ལྡན་འདས་ཉི་མའི་འོད་སངས་རྒྱས་ཐམས་ཅད་ཀྱི་ཡེ་ཤེས་དག་པ་ཡོངས་སུ་འཛིན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་གསུང་ནི་ཀུན་སྒྲོག་པ། །དེ་ནས་གསུང་དུ་རབ་བརྗོད་
D453.082.0136b02.01པ། །སྣ་ཚོགས་སྒྲ་ནི་གསུང་གྱུར་པ། །དེ་ནི་གསུང་གཅིག་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ངེས་པའི་བློ་སངས་རྒྱས་ཐམས་ཅད་ཀྱི་ཐུགས་གནས་པ་མེད་པའི་ཡེ་ཤེས་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0136b03.01སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཐུགས་ནི་བསམ་མི་ཁྱབ། །ཡེ་ཤེས་མཁྱེན་པ་གཅིག་པའི་ཐུགས། །དྲི་མེད་མཉམ་པ་ཉིད་གང་ཡིན། །རྟོག་མེད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་མཐའ་
D453.082.0136b04.01ཡས་གཟུགས་སངས་རྒྱས་ཐམས་ཅད་ཀྱི་སྙིང་པོ་ཡེ་ཤེས་རྡོ་རྗེ་མཆོག་ཏུ་བསྟན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཉམ་ཉིད་གནས་པས་བླང་དོར་མེད། །དུས་གསུམ་ཐ་དད་གཟིགས་པ་མེད། །སྐད་ཅིག་
D453.082.0136b05.01ཡེ་ཤེས་བདེ་བའི་དངོས། །ཆོས་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་འོད་མི་ཟད་པས་སངས་རྒྱས་ཐམས་ཅད་ཀྱིས་ཕས་ཀྱི་རྒོལ་བ་ཟློག་པར་མཛད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་
D453.082.0136b06.01གསུངས་སོ། །དཔའ་བོ་སེང་གེའི་ལྟ་སྟངས་ཀྱིས། །མུ་སྟེགས་བདུད་ཚོགས་ལས་རྒྱལ་བའི། །ཚད་མེད་སྙིང་རྗེས་བསྐུལ་བར་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་རིན་ཆེན་ཏོག་གིས་ཆོས་ཐམས་ཅད་ཀྱི་རྗེས་སུ་འགྲོ་
D453.082.0136b07.01