完整藏文原文 · 德格版页 当前仅加载第 82 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བདེ་བར་གཤེགས། །དེ་བཞིན་དུ་ནི་རྟག་གཤེགས་ལ། །སྐུ་གསུང་ཐུགས་ཀྱི་རྡོ་རྗེ་ཞེས། །པདྨའི་མིང་ཅན་བཙུན་མོའི་གནས། །དེར་ནི་མངོན་པར་བཞུགས་པར་མཛད། །བཙུན་མོ་རྡོ་རྗེ་སེམས་དཔའ་དང་། །རིན་ཆེན་ཆོས་དང་བཅས་པ་ཡི། །རྡོ་རྗེ་ལས་
D453.082.0146a01.01ཀྱི་སེམས་མར་བརྗོད། །དེ་དག་ཀུན་གྱི་བདེ་བའི་གནས། །བསྐྱེད་དང་སྡུད་པར་མཛད་པ་པོ། །ཐམས་ཅད་ནམ་མཁའི་མཚན་ཉིད་ཅན། །ཕུང་པོ་ཁམས་དང་སྐྱེ་མཆེད་དང་། །ཡུལ་རྣམས་ཐམས་ཅད་རྟེན་པའི་གཞི། །ཡང་དག་བཙུན་མོའི་བྷ་ག་དེར། །ཕྱོགས་བཅུ་དུས་གསུམ་
D453.082.0146a02.01སངས་རྒྱས་རྣམས། །མངོན་པར་རབ་ཏུ་ཞུགས་མཛད་དེ། །སྤྲོ་དང་བསྡུ་བའི་ངོ་བོ་ཉིད། །རབ་ཏུ་མི་གནས་དབྱེར་མེད་བཞུགས། །མདོ་དང་གསང་བར་སྤྱོད་པའི་ཚུལ། །དོན་གཅིག་ན་ཡང་མ་རྨོངས་དང་། །ཐབས་མང་དཀའ་བ་མེད་པ་དང་། །དབང་པོ་རྣོན་པོའི་དབང་བྱས་ཕྱིར། །གསང་
D453.082.0146a03.01སྔགས་ཐེག་པ་ཁྱད་པར་འཕགས། །གསང་བ་བྱ་བ་སྤྱོད་པའི་རྒྱུད། །ཤིན་ཏུ་ཆེས་གསང་རྣལ་འབྱོར་རྒྱུད། །རྣལ་འབྱོར་བླ་མེད་གསང་ཆེན་ནོ། །འདི་ནི་སྐུ་གསུང་ཐུགས་གསང་བ། །མཚན་དང་དཔེ་བྱད་རྣམས་དང་ནི། །རྗོད་བྱེད་རང་གི་མཚན་ཉིད་དེ། །ཕུང་པོ་ཁམས་དང་
D453.082.0146a04.01སྐྱེ་མཆེད་སོགས། །གསང་བའི་དཀྱིལ་འཁོར་ལ་ཞུགས་པ། །རྟེན་དང་བརྟེན་པར་བཅས་པ་ནི། །མཁས་པ་རྣམས་ལ་བསྔགས་པ་ཡིན། །རྨོངས་པ་དེ་ལྟར་འདོད་པ་རྣམས། །སྐྱེ་དང་འཇིག་དང་གནས་པ་དང་། །རྒྱུད་གཞན་རྣམས་ལ་ངེས་བསྟན་པ། །རྟག་ཏུ་རྟེན་
D453.082.0146a05.01འབྲེལ་ཚུལ་དེ་བརྗོད། །འབྲས་བུ་རྒྱུས་ནི་རྒྱས་བཏབ་ཅིང་། །རྒྱུ་ལ་འབྲས་བུས་རྒྱས་གདབ་པར། །བསམ་གྱི་གཞར་དུ་དངོས་གྲུབ་ནི། །བསྐལ་པ་བྱེ་བར་ཡང་མི་འགྱུར། །རྒྱུད་ཀུན་ལ་ནི་གསང་ཆེན་གྱི། །སྙིང་པོ་ཕྱག་རྒྱས་རྒྱས་གདབ་ཕྱིར། །དེ་ཉིད་གསང་བ་ཡང་དག་པར། །མི་
D453.082.0146a06.01ཕྱེད་པར་ནི་བསྟན་པ་ཡིན། །སེམས་ཅན་ཀུན་གྱི་ལུས་གནས་པ། །སྐུ་ཡི་གསང་བ་རྟག་པ་ཉིད། །སེམས་ཅན་ཀུན་གྱི་ངག་ལ་ནི། །གསུང་གི་གསང་བ་རང་བྱུང་དུ། །སེམས་ཅན་ཀུན་གྱི་སྙིང་ལ་ནི། །ཐུགས་ཀྱི་གསང་བ་སྙིང་པོ་བཞུགས། །དེ་ཉིད་སྙིང་པོ་གསུམ་ལྡན་པ། །
D453.082.0146a07.01