完整藏文原文 · 德格版页 当前仅加载第 82 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱངས་ཡིག་དྲུག་པ་སྦྱར་བར་བྱ། །སྡེ་ཚན་གཉིས་པའི་ཐ་མ་སྦྱིན། འདི་ནི་སྡུད་ཅིང་གཤེགས་གསོལ་བ། །དབྱངས་ཡིག་དང་པོའི་རང་བཞིན་ཅན། །གནས་ཤིང་བཞུགས་པར་བྱེད་པའོ། །མི་ཕྱེད་ཡེ་ཤེས་འབྱུང་བ་སྟེ། །ཁྱབ་ཅིང་དྲི་མ་མེད་པའོ། །བུ་མོ་ལོ་གྲངས་
D453.082.0312b01.01བཅུ་གཉིས་མའམ། །ཁྱེའུ་ལོ་གྲངས་བཅུ་གཉིས་པ། མཚན་ཉིད་ཐམས་ཅད་ཡོངས་རྫོགས་པས། །བཟུང་ནས་དབབ་པ་རབ་ཏུ་བརྟག །རྫ་ཡི་ཕྱེ་མ་སོ་མ་དག །སོ་སོ་ཡི་ནི་རྐང་འོག་ཏུ། །ཉི་ཟླ་གཉིས་སུ་བྲི་བར་བྱ། །དེ་ལས་ཁྲུས་བྱ་རྒྱན་བཏགས་ནས། །དེ་ནས་ལངས་པའི་
D453.082.0312b02.01སྐྱེས་བུ་འདིའང་། །ཐལ་མོ་སྙིང་གར་སྦྱར་བྱས་ཤིང་། །སྟེང་འོག་རླུང་ལ་བསླབ་པར་བྱ། །དེ་ཉིད་མི་ཡི་ཤ་དང་ནི། །བདུད་རྩི་སྦྱར་བ་བསྲེས་དེ་ཡང་། །གུ་གུལ་ནག་པོ་བཅས་པས་འདུག །དང་པོ་རྐང་བའི་མཐིལ་དག་ཏུ། །ཡྃ་ལས་རླུང་གི་དཀྱིལ་འཁོར་སྔོ། །བ་དན་གྱིས་ནི་མཚན་པ་
D453.082.0312b03.01བསམ། །མདོམས་བར་དུ་ནི་མེ་ཡིན་ནོ། །ས་བོན་དཀྱིལ་འཁོར་འབར་བ་བསམ། །ལྟེ་བར་བྃ་ལས་ཆུ་ཡི་གནས། །དཀར་པོ་ཟླུམ་པོ་དགོད་པར་བྱ། །དེ་སྟེང་ས་ཡི་དཀྱིལ་འཁོར་དང་། །ལྃ་ལས་བྱུང་བ་རྡོ་རྗེས་མཚན། །གྲུ་བཞི་མཛེས་པ་ཉིད་དུ་བསམ། །ལྟེ་བར་ཛྷཻཾ་དམར་སྐུལ་བར་བྱེད། །
D453.082.0312b04.01འབར་བ་འོད་འཕྲོ་མི་ཟད་པའོ། །སྙིང་གར་ཧཱུྃ་མཐིང་འོད་འབར་དང་། །སྤྱི་བོར་ཧྃ་དཀར་བསིལ་བར་གྱུར། །མགྲིན་པར་ཨ་དམར་རིམ་པ་སྟེ། །དེ་དག་ཀུན་ལ་བླ་མ་ཡིས། །ཧཱུྃ་ཏྲྃ་ཨ་ཛྷེ་ཞེས་བྱ་བའི། །རིག་སྔགས་རྡོ་རྗེ་བཟླས་པ་དང་། །ལྷ་ཡི་ས་བོན་ཕྲེང་སྔགས་ཀྱིས། །རྡོ་རྗེ་སློབ་དཔོན་གྱིས་
D453.082.0312b05.01ཀྱང་བསམ། །ནམ་མཁའི་དབྱིངས་བཞིན་མི་རྟོག་ཅིང་། །རྟོག་པ་གཞན་དག་མ་གོས་པ། །རྡོ་རྗེ་སེམས་དཔའི་ལུས་གནས་སུ། །མི་བསྐྱོད་པ་དང་སྐུ་རྡོ་རྗེ། །ཆོས་འཛིན་པ་དག་རང་གིས་བསམ། །རང་གི་ལྟེ་བའི་ཛྷཻཾ་འོད་ལས། །འོད་ཟེར་དཔག་མེད་བྱུང་ནས་ནི། ལྷ་གསུམ་པོ་ནི་བསྐུལ་བྱས་ཏེ། །དེ་
D453.082.0312b06.01ནས་ཁྱེའུ་ལུས་ཀྱི་ནི། །ཡི་གེ་ཛྷཻཾ་ལ་བསྐུལ་བར་བྱ། །དེ་ལས་རླུང་དང་བཅས་པའི་སྒྲ། །མྱུར་དུ་ཞུགས་ཏེ་རྐང་མཐིལ་གྱི། །རླུང་དང་བཅས་པའི་བ་དན་བསྐྱོད། །ཉི་ཟླས་ནམ་མཁར་བཏེག་ནས་ནི། །སུམ་མདོའི་མེ་སྦར་ཆུ་ཡང་ཁོལ། །སྙིང་གར་ས་གཡོས་འཁོར་བ་ལས། །ཡི་གེ་སྔ་མ་གསུམ་
D453.082.0312b07.01