完整藏文原文 · 德格版页 当前仅加载第 82 函德格 182b 版页；藏文 NFD、目录标记与异常页序保留在来源切片中，重复版页行以稳定序号区分。
གང་གང་གིས། །ལུས་སུ་འདི་སྤྱོད་པས་སྒྱུར་བས་ན། །སེམས་ནི་ཏིང་ངེ་འཛིན་གྱིས་ཏེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཞིན་གཤེགས་པ་ཡུལ་འཁོར་མེ་ཏོག་སངས་རྒྱས་ཐམས་ཅད་ཀྱི་ཀུ་ཤའི་རྩེ་མོ་ལྟར་ཕྲ་མོ་རྡོ་རྗེ་ཞེས་
D453.082.0182b01.01བ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཀུན་གྱི་ཕ་རོལ་པ་ཡི། །བསམ་གྱིས་མི་ཁྱབ་ཡེ་ཤེས་སྐུ། །རང་རིག་ཉིད་ལས་ཐ་དད་མེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0182b02.01དེ་ནས་དེ་བཞིན་གཤེགས་པ་ཆོས་ཀྱི་བློ་གྲོས་སངས་རྒྱས་ཐམས་ཅད་ཀྱི་བཀོད་མའི་ཆུ་འཛིན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །བདེ་གཤེགས་གདུང་ནི་རྒྱས་པ་གང་། །ཐུགས་རྗེ་དག་པའི་སྟོབས་ཡིན་
D453.082.0182b03.01ཏེ། །འགྲོ་བ་གསོ་བའི་ཚུལ་གྱིས་ནི། །བྱང་ཆུབ་ཡེ་ཤེས་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རླུང་གི་ཤུགས་འཆང་བ་ལྟར་གཤེགས་པ་སངས་རྒྱས་ཐམས་ཅད་ཀྱི་སྨན་པའི་རྒྱལ་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་
D453.082.0182b04.01པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །འགྲོ་བ་ཀུན་གྱི་འཁོར་བ་ཡི། །ནད་སེལ་ཐབས་མཆོད་བྱམས་པའི་དཔལ། །བརྩེ་སེམས་ཚད་མེད་སྲུང་བ་པོ། །ཟབ་པའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་
D453.082.0182b05.01གཤེགས་པ་ལེགས་བསམ་གྲགས་པ་སངས་རྒྱས་ཐམས་ཅད་ཀྱི་བློའི་དྲི་མ་སེལ་བར་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །རང་བཞིན་རྟོག་པའི་དྲི་མ་རྣམས། །གཟུང་འཛིན་ཆོས་ཀྱིས་བསྡུས་པའི་དངོས།།
D453.082.0182b06.01དབུ་མའི་ངང་དུ་རང་དག་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྣང་ལྡན་སངས་རྒྱས་ཐམས་ཅད་ཀྱི་ཡེ་ཤེས་ཆུ་བོའི་རླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །
D453.082.0182b07.01