完整藏文原文 · 德格版页 当前仅加载第 82 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་རྒྱལ་བར་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་པའི་རྒྱུད་ལས་ལྷག་པའི་ཡེ་ཤེས་འབྱུང་བར་བསྟན་པའི་ལེའུ་སྟེ་བཞི་བཅུ་བདུན་
D453.082.0217a01.01པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་གཟུགས་མཆོག་སངས་རྒྱས་ཐམས་ཅད་ཀྱི་བར་དུ་གཅོད་པའི་ཕྱོགས་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་བདག་འཛིན་ཉོན་མོངས་མེད། །
D453.082.0217a02.01ངར་འཛིན་ཞི་བའི་ཆོས་ཅན་ལ། །བདུད་ཀྱིས་གླགས་རྙེད་མི་འགྱུར་བའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལེགས་གཤེགས་སངས་རྒྱས་ཐམས་ཅད་ཀྱིས་ལྷའི་གདོན་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་
D453.082.0217a03.01སེམས་འདི་གསུངས་སོ། །གང་དུ་དམིགས་མེད་ཐུགས་རྗེ་ཡིས། །བྱམས་པའི་ཡེ་ཤེས་ལ་འཇུག་པ། །བླ་ན་མེད་པའི་དོན་བསྟན་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རབ་ཏུ་སྦྱིན་པར་གྲགས་པ་སངས་རྒྱས་ཐམས་ཅད་ཀྱི་ཀླུའི་
D453.082.0217a04.01གདོན་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དམིགས་པ་ཀུན་དང་བྲལ་བའི་སེམས། །ནམ་མཁའི་ངང་ལས་འཇའ་ཚོན་ལྟར། །དེ་ཉིད་ཐོགས་མེད་ཡེ་ཤེས་ཀྱིས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0217a05.01དེ་ནས་དེ་བཞིན་གཤེགས་པ་འོད་གཙང་སངས་རྒྱས་ཐམས་ཅད་ཀྱི་དྲི་ཟའི་གདོན་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྣ་ཚོགས་རོལ་མོའི་ཆ་དང་ནི། །སིལ་སྙན་རྣམས་ལས་སྒྲ་བྱུང་བ། །སྟོན་པའི་ཆོས་ཀྱི་ཚིག་གྲགས་པ། །དེ་ཉིད་ཚུལ་
D453.082.0217a06.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལྷའི་ཉི་མ་སངས་རྒྱས་ཐམས་ཅད་ཀྱི་ལྷ་མ་ཡིན་གྱི་གདོན་དག་པ་རྡོ་རྗེ་སངས་རྒྱས་ཐམས་ཅད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདི་ནི་རྣམ་པར་གཙང་བ་ཡི། །དྲི་མ་རྣམ་སྤངས་བདེ་
D453.082.0217a07.01