完整藏文原文 · 德格版页 当前仅加载第 82 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
དོན་དུ་བཤད། བྱ་བ་སྤྱོད་པ་རྣལ་འབྱོར་མཆོག །རྟོག་པའི་རྣལ་འབྱོར་གསང་མཐའ་རུ། ཕྱི་ནང་གསང་བའི་དབྱེ་བ་ཡིས། ངས་ནི་རིམ་པ་གསུམ་དུ་བཤད། དམན་པ་མཆོག་དང་འབྲིང་རྣམས་ཏེ། ཐ་མ་མོས་སྤྱོད་ཚུལ་དག་ཏུ། །ཐེག་པ་ཆེན་
D453.082.0115a01.01པོའི་ཚུལ་བསྟན་པ། །ཆོས་ཀྱི་འཁོར་ལོ་རབ་ཏུ་བསྐོར། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཚུལ་རྡོ་རྗེ་ཆོས་ཀྱི་འཁོར་ལོ་རབ་ཏུ་བསྐོར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཐམས་ཅད་བསྡུས་པའི་ཚུལ་གྱིས་གསང་བ་འདི་གསུངས་སོ། །ཐམས་
D453.082.0115a02.01ཅད་ལུས་ལ་གནས་པ་རྡོ་རྗེའི་སྐུ། །མི་ཆོད་མི་ཤིགས་རང་བྱུང་ཕྲ་བའི་གནས། །རྟོག་པའི་རླུང་ཚོགས་འབྱུང་བའི་ངང་དུ་དག །རང་རིག་སེམས་ནི་གར་ཡང་གཡོ་མི་འགྱུར། །རྩ་ཡི་འཁོར་ལོ་བཅུ་ལ་གནས་འགྱུར་གང་། །རླུང་བཅུ་འོད་ཀྱི་སྣང་བ་ཁྱབ་བྱེད་ཅིང་། །མི་
D453.082.0115a03.01ཤིགས་ཐིག་ལེ་རབ་ཏུ་དང་བ་ཡི། །བདུད་རྩི་རབ་རྒྱས་སྣང་བ་ཁྱབ་བྱེད་པའོ། །ཡི་གེ་སྒྲ་ཡི་རྣམ་པ་གར་ཡོད་པར། །དྲན་པ་སྐྱེད་བྱེད་སྲོག་གི་རྩ་བར་འགྱུར། །ཀུན་ལ་ཁྱབ་བྱེད་སྙིང་པོ་ཡེ་ཤེས་རླུང་། །རྟེན་དང་བརྟེན་པ་མཉམ་གནས་རིན་ཆེན་སེམས། །གསེར་དང་
D453.082.0115a04.01གསེར་འོད་རབ་འབར་མཐའ་ཡས་བཞིན། །ཇི་ལྟར་རྒྱ་མཚོ་རབ་དངས་རྒྱ་ཆེ་ལ། །ཟླ་ཟེར་འོད་ཀྱིས་ཁྱབ་ཅིང་སྣང་བ་དང་། །ཉི་ཤར་མདངས་ཀྱིས་སྔ་ཕྱི་མེད་པར་འབྱུང་། །རྟོག་པ་མེད་ཅིང་མུན་པ་རང་སར་དག །བློ་ཡིས་སྣང་བ་རབ་ཏུ་རྒྱས་པར་གྱུར། །གང་དུ་ལུས་
D453.082.0115a05.01ཅན་རྣམས་ཀྱིས་ནི། །འབྱུང་དང་བྱུང་ལས་གྱུར་པ་ཡི། །དངོས་པོའི་སྣང་བ་བཅིངས་པས་ན། །ཡིད་ཀྱིས་ལུས་ནི་བརྟག་དཀའ་བས། །སངས་རྒྱས་ཀུན་གྱི་དཀྱིལ་འཁོར་ནི། །དེ་ཉིད་ཤེས་པའི་དཀྱིལ་འཁོར་ཏེ། །འདི་ནི་བསྒྲུབ་པ་དེ་ཉིད་ཡིན། །ཡིད་བཞིན་ནོར་
D453.082.0115a06.01བུ་ལྟ་བུར་སྤྱད། །རྣམ་ཤེས་སྒྱུ་མའི་ཡེ་ཤེས་ལུས། །ཡོངས་སུ་རྫོགས་པ་རང་བྱུང་བ། །དེ་ཉིད་མི་ཤེས་བྱིས་པ་རྣམས། །སླར་ཡང་འཁོར་བའི་གནས་པའོ། །ཇི་སྲིད་འོད་གསལ་གནས་ཀྱི་ནུས། །འབྱུང་བ་ཐིམ་འགྱུར་རྟོག་པས་སྟོང་། །དེ་སྲིད་སྒྱུ་མ་ཕྲ་བའི་ལུས། །
D453.082.0115a07.01