完整藏文原文 · 德格版页 当前仅加载第 82 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་རང་གི་སེམས་རྟོགས་བྱ། དེ་ཉིད་ཆོས་ཀུན་རྩ་བ་སྟེ། སྙིང་པོ་འདི་ཉིད་སྦས་པར་གནས། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0122a01.01དེ་ནས་བཅོམ་ལྡན་འདས་དེ་བཞིན་གཤེགས་པ་སྤྱན་ལེགས་སྣང་པས་རང་དག་པར་སྟོན་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གསང་བ་གང་འགྱུར་དབྱིངས་ཉིད་ལ། ཡེ་ཤེས་རྒྱལ་བ་ཀུན་གྱི་ཐུགས། དམ་པ་
D453.082.0122a02.01འདི་ནི་འདུས་པར་གསུངས། བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འགྲོ་བའི་དེད་དཔོན་རྒྱལ་པོས་འགྲོ་བ་སེམས་ཅན་ཐམས་ཅད་ཡང་དག་པར་སྒྲོལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་
D453.082.0122a03.01བྱང་ཆུབ་ཀྱི་སེམས་འདི་གསུངས་སོ། །ཇི་ལྟར་པདྨ་ཆུ་ཀླུང་ལས། །རབ་ཏུ་སྐྱེ་བ་ཟིལ་འཕྲོ་བ། །དེ་ཉིད་སྡོང་བུ་འདིར་རྟོགས་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ལག་ཆེན་རྒྱལ་པོས་འགྲོ་བ་
D453.082.0122a04.01ཐམས་ཅད་ཡང་དག་པར་འདུལ་བའི་ཏིང་ངེ་འཛིན་མི་ཟད་པའི་ཚུལ་ཞེས་བྱ་བ་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཉམ་མེད་ནམ་མཁའ་ཡངས་པ་ནི། །ཀུན་ལ་གནས་ཤིང་མི་འགྱུར་བ། །དྲི་མ་མེད་ཅིང་འབར་བའི་འོད། །བྱང་ཆུབ་ཚུལ་འདི་བསྟན་
D453.082.0122a05.01པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་སྟོབས་མི་ཟད་པའི་དཔལ་གྱི་རི་རབ་བརྩེགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་མི་ཕྱེད་རྡོ་རྗེ་ནི། །སྟོང་ཉིད་བྱང་ཆུབ་སེམས་རྡོ་རྗེ། །
D453.082.0122a06.01སྙིང་རྗེའི་སྙིང་པོ་དྲན་པར་བརྗོད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྒྱུ་སྐར་རྒྱལ་པོས་དྲན་པའི་སྙིང་པོ་རིན་པོ་ཆེའི་སྣང་བའི་འོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0122a07.01