完整藏文原文 · 德格版页 当前仅加载第 82 函德格 172a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་རྡོ་རྗེའི་སྐུར་གྱུར་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱལ་པོའི་དཔལ་སངས་རྒྱས་ཐམས་ཅད་ཀྱི་ངོ་བོ་ཉིད་གསུང་རྡོ་རྗེ་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་
D453.082.0172a01.01ཆུབ་ཀྱི་སེམས་འདི་གསུངས་སོ། །སྟོང་གསུམ་ཁམས་སུ་གྲགས་བྱེད་པ། །གླིང་ཀུན་སྐད་ཅིག་དབྱངས་ཀྱིས་སྟོན། །དུ་མར་དེ་ཉིད་སྟོན་པ་པོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐར་རྒྱལ་སངས་རྒྱས་ཐམས་
D453.082.0172a02.01ཅད་ཀྱི་ཐུགས་རྡོ་རྗེ་ངོ་བོ་ཉིད་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་འཁོར་ལོས་སྒྱུར་བ་ཡི། །ཆོས་ཀྱི་འཁོར་ལོས་དབང་བསྐུར་བཞིན། །འགྲོ་ཀུན་ཡེ་ཤེས་དབང་བསྐུར་བའི། །དེ་ཉིད་ཚུལ་འདི་བསྟན་
D453.082.0172a03.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འོད་ཟེར་ཆེན་པོ་སངས་རྒྱས་ཐམས་ཅད་ཀྱི་དེ་བཞིན་ཉིད་བསྒྱུར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདས་དང་མ་འོངས་ད་ལྟར་གང་། །ཆོས་ཉིད་
D453.082.0172a04.01མཉམ་པའི་དེ་བཞིན་ཉིད། །མཚུངས་མེད་ད་ལྟར་འདིར་རྟོགས་ན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གློག་གི་རྩེ་མོ་སངས་རྒྱས་ཐམས་ཅད་ཀྱི་ཀུན་དུ་འཕྲུལ་བའི་སྤྱོད་པ་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་
D453.082.0172a05.01པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དཔག་མེད་སྒྱུ་མའི་ཆོ་འཕྲུལ་གྱིས། །མ་དག་དག་པར་གང་བསྒྱུར་བ། །ཐམས་ཅད་བློ་གྲོས་བཟང་པོ་ཐོབ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0172a06.01ཡོན་ཏན་རྒྱ་ཆེན་སངས་རྒྱས་ཐམས་ཅད་ཀྱི་རིན་པོ་ཆེའི་རྒྱལ་མཚན་བསྒྲེང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །བདུད་ཀྱི་འཆིང་བ་ལས་འདས་ཕྱིར། །ཆོས་ཀྱི་རྒྱལ་མཚན་ཆེན་པོ་ཡིས། །ཁམས་
D453.082.0172a07.01