完整藏文原文 · 德格版页 当前仅加载第 82 函德格 157b 版页；藏文 NFD、目录标记与异常页序保留在来源切片中，重复版页行以稳定序号区分。
དམ་ཆོས་སྙིང་པོ་བཅུད་ལས་བྱུང་། །སངས་རྒྱས་མཆོད་པ་བླ་མེད་པ། །བྱང་ཆུབ་སེམས་དཔའི་རྣམ་པར་འཕྲུལ། །ཤེས་རབ་ཐབས་ནི་ཚུལ་ཐོབ་བྱེད། །ཇི་ལྟར་གདུལ་བྱའི་ཆོས་རྣམས་དང་། །འདོད་ཡོན་ཀུན་ལ་སངས་རྒྱས་རྣམས། །ཐམས་ཅད་ལོངས་
D453.082.0157b01.01སྤྱོད་ཚུལ་གཅིག་པས། །ལོངས་སྤྱོད་རྫོགས་སྐུ་ཞེས་བཤད་དོ། །མཚན་རྣམས་ཀུན་དང་ཡང་དག་ལྡན། །སྣ་ཚོགས་སྐུ་སྟེ་མཚན་ཉིད་མེད། །སངས་རྒྱས་རྣམས་ཀྱིས་སྤྲུལ་པས་ན། །སྤྲུལ་པའི་སྐུ་ཞེས་འདིར་བཤད་ཡིན། །ཕྱག་རྒྱ་ཆེན་པོ་རབ་བསྒྲུབ་
D453.082.0157b02.01ཕྱིར། །ཤེས་ནས་རྣལ་འབྱོར་དབང་ཕྱུག་སྒོམ། །ཀུན་རྟོག་ཐམས་ཅད་རྣམ་སྤངས་པས། །རྒྱལ་བ་ཆོས་སྐུ་ཡེ་ཤེས་ཉིད། །བླ་མའི་བྱིན་བརླབས་སྐད་ཅིག་གིས། །ཡེ་ཤེས་མི་ཟད་རྒྱ་མཚོ་ནི། །ཚེ་འདི་ཉིད་ལ་འགྲུབ་པར་འགྱུར། །མི་ཕྱེད་རྡོ་རྗེ་དབང་ཕྱུག་
D453.082.0157b03.01ཉིད། །གཉིས་མེད་མཉམ་པར་རོ་གཅིག་པས། །རྡོ་རྗེ་འཆང་ཆེན་རང་བྱུང་དུ། །གྲུབ་པ་བདེ་ཆེན་ངོ་བོ་ཉིད། །ཐོབ་མེད་ཐོབ་པས་ཅིག་ཅར་གྲོལ། །སྤངས་ཐོབ་མེད་པ་མཉམ་ཉིད་ཆེ། །དེ་ནས་དེ་བཞིན་གཤེགས་པ་སྤོས་ཀྱི་གླང་པོའི་དཔལ་སངས་རྒྱས་ཐམས་ཅད་ཀྱི་
D453.082.0157b04.01ཡེ་ཤེས་ཀྱི་གནས་འབྱུང་བ་རྡོ་རྗེ་སངས་རྒྱས་ཐམས་ཅད་ཀྱི་ཟབ་པའི་རྡོ་རྗེ་ཡེ་ཤེས་སྒྲོན་མ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདིར་ནི་ཆོས་རྣམས་ཐམས་ཅད་ཀྱི། །སྙིང་པོ་ཡེ་ཤེས་བདེ་ཆེན་པོ། །བྱང་ཆུབ་
D453.082.0157b05.01རྟེན་ཅིང་འབྲེལ་འབྱུང་བའི། །གསང་བའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྟོབས་མི་ཟད་པ་སྲེད་མེད་ཀྱི་བུ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་དབྱངས་ཀུན་དུ་བསྐུལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0157b06.01ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །བདག་མེད་དངོས་པོ་མེད་པ་རུ། །མ་སྐྱེས་ཟག་པ་མེད་པའི་ངང་། །སྤྲོས་པ་ཀུན་ལས་རྣམ་གྲོལ་བའི། །ཡེ་ཤེས་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འགྲོ་བ་
D453.082.0157b07.01