完整藏文原文 · 德格版页 当前仅加载第 82 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
བསྡུས་པའོ། །ཉི་ཤུ་རྩ་ལྔའི་རྣམ་དབྱེ་གསལ་བ་ཡིས། །དམ་པའི་རིགས་ནི་བརྒྱ་རུ་འགྱུར་བ་སྟེ། །དེ་ཉིད་དཀྱིལ་འཁོར་མངོན་པར་ཕྱུང་བ་ཡིན། །རིགས་ཀྱི་དཀྱིལ་འཁོར་ལྔ་ཡི་དབྱེ་བ་ཡིས། །རྩ་བ་གསང་བའི་དཀྱིལ་འཁོར་གསུམ་དུ་བསྡུས། །
D453.082.0270a01.01མདོ་དོན་སྤྱོད་དང་ཐེག་པའི་དོན། །དེ་ཉིད་བསྡུས་པ་གཅིག་པ་སྡོམ་པ་ཆེ། །ཐ་དད་པ་དང་འབྱུང་བ་ཉེ་བར་གྱུར་པ་ལས། །ལུས་དང་ཡུལ་དང་དབང་པོའི་སྤྱོད་ཡུལ་དུ། །གསང་བ་དུ་མ་ཉེ་བར་སྡུད་པའི་ཚུལ། །སྤྱི་དང་བྱེ་བྲག་དཀྱིལ་འཁོར་འདིར་གསུངས་སོ། །བཅོམ་ལྡན་
D453.082.0270a02.01རྣམ་པར་སྣང་མཛད་དཀྱིལ་འཁོར་དུ། །རེག་བྱ་རྡོ་རྗེའི་དབུས་སུ་མངོན་གནས་ནས། །རྡོ་རྗེ་མི་བསྐྱོད་ཤར་གྱི་གནས་སུ་དགོད། །རྡོ་རྗེ་སྐྱིལ་ཀྲུང་གཉིས་མེད་སྦྱོར་བས་བཞུགས། །ལྷོར་ནི་དཀོན་མཆོག་དཔལ་ལོ། །ནུབ་ཏུ་འོད་དཔག་མེད་པའོ། །བྱང་དུ་དོན་ཡོད་
D453.082.0270a03.01གྲུབ་པའོ། །ཤར་ལྷོའི་གྲྭར་ནི་ལྷ་མོ་སྤྱན་མའོ། །ལྷོ་ནུབ་ཏུ་ནི་མཱ་མ་ཀཱིའོ། །ནུབ་བྱང་དུ་ནི་གོས་དཀར་མོའོ། །བྱང་ཤར་དུ་ནི་རྡོ་རྗེ་སྒྲོལ་མའོ། །དེ་ནི་ནང་གི་ཕོ་བྲང་ལ་གནས་པའོ། །དེའི་ཕྱི་ཁྱམས་ཀྱི་གྲྭ་བཞི་ལ་མེའི་ཕྱོགས་སུ་གཟུགས་རྡོ་རྗེ་མའོ། །བདེན་བྲལ་དུ་ནི་སྒྲ་
D453.082.0270a04.01རྡོ་རྗེའོ། །རླུང་གི་ཕྱོགས་སུ་དྲི་རྡོ་རྗེའོ། །དབང་ལྡན་གྱི་ཕྱོགས་སུ་ནི་རོ་རྡོ་རྗེའོ། །ཤར་གྱི་སྣམ་བུ་ལ་བྱམས་པ་མགོན་པ་མགོན་པོ་དང་སའི་སྙིང་པོའོ། །ལྷོའི་སྣམ་བུ་ལ་ཕྱག་ན་རྡོ་རྗེ་དང་ནམ་མཁའི་སྙིང་པོའོ། །ནུབ་ཀྱི་སྣམ་བུ་ལ་འཇིག་རྟེན་དབང་ཕྱུག་དང་འཇམ་དབྱངས་རྡོ་རྗེའོ། །བྱང་
D453.082.0270a05.01གི་སྣམ་བུ་ལ་སྒྲིབ་པ་ཐམས་ཅད་རྣམ་པར་སེལ་བ་དང་ཀུན་དུ་བཟང་པོ་གནས་པའོ། །ཤར་གྱི་སྒོར་ནི་གཤིན་རྗེ་མཐར་བྱེད་དོ། །ལྷོ་སྒོར་ནི་ཤེས་རབ་མཐར་བྱེད་དོ། །ནུབ་སྒོར་ནི་པདྨ་མཐར་བྱེད་དོ། །བྱང་སྒོར་ནི་བགེགས་མཐར་བྱེད་དོ། །ཤར་ལྷོ་མཚམས་ཀྱི་གྲྭར་ནི་
D453.082.0270a06.01མི་གཡོ་བའོ། །ལྷོ་ནུབ་ཏུ་འདོད་པའི་རྒྱལ་པོའོ། །ནུབ་བྱང་དུ་ནི་དབྱུག་སྔོན་ཅན་ནོ། །བྱང་ཤར་མཚམས་སུ་ནི་སྟོབས་པོ་ཆེ་སྟེ་ཁྲོ་བོའི་རྒྱལ་པོ་ཉིད་དོ། །སྟེང་ཕྱོགས་ཤར་གྱི་སྒོ་དྲུང་དུ་གཙུག་ཏོར་འཁོར་ལོས་སྒྱུར་བའོ། །འོག་ཕྱོགས་ནུབ་ཀྱི་སྒོ་དྲུང་དུ་ནི་གནོད་མཛེས་རྒྱལ་པོ་རྣམ་
D453.082.0270a07.01