完整藏文原文 · 德格版页 当前仅加载第 82 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པར་བྱ། །ནང་གི་ལུས་དག་དེ་བཞིན་ཐམས་ཅད་ཀྱང་། །དེ་ཡིས་ཀུན་དུ་མཐར་ནི་སྣང་བྱས་ནས། །བ་སྤུ་རེ་རེའི་ཁོང་ནས་བྱུང་བ་ཡི། །འོད་ཟེར་ཚོགས་ཀྱིས་ཀུན་དུ་དག་པར་བྱ། །ཡང་ན་མཚན་མ་ཕྲ་མོ་བསམ་པ་ནི། །འོད་ལྡན་སྣ་རྩེར་
D453.082.0274a01.01གནས་པ་ཐུབ་པ་ཡི། །འཁོར་ལོ་ནང་དུ་ཆུད་བྱས་སྙིང་རྗེ་ཡི། །ནང་གི་ཤེས་རབ་དམ་པ་ཉིན་མཚན་བསམ། །མཚན་མ་བརྟན་པོ་མཐོང་ན་སྤྲོ་བ་ཡི། །འོད་ཟེར་དེ་ཡི་སྤྲུལ་པའི་ཐུབ་དབང་དང་། །རྣམ་པ་སྣ་ཚོགས་པ་ཡི་ཕྱག་མཚན་བསྣམས། །བློ་དང་ལྡན་པས་
D453.082.0274a02.01ཡང་དང་ཡང་དུ་སྤྲོ། །ཡང་ན་བཟླས་པ་རྩེ་གཅིག་སེམས་ཉིད་ནི། །དངོས་ཀུན་བདག་ཉིད་རང་གི་སེམས་དབང་པོ། །རང་གི་སྔགས་ནི་སྣ་ཚོགས་འོད་ལྡན་འབར། །དེ་ཉིད་བློ་དང་ལྡན་པས་བསྒོམ་པར་བྱ། །ཞེས་གསང་བ་ཉེ་བར་བསྟན་པ་ལས་རྒྱལ་པོ་མཆོག་མངོན་པར་
D453.082.0274a03.01འབྱུང་བ་རྡོ་རྗེའི་ཏིང་ངེ་འཛིན་འདི་བསྟན་པའོ། །དེ་ནས་བྱང་ཆུབ་སེམས་དཔའ་ཀུན་དུ་བཟང་པོ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱི་ཡེ་ཤེས་མངོན་པར་རོལ་པ་འབྱུང་བའི་རྒྱལ་པོ་འདི་བསྟན་ཏོ། །།སྐྱེས་བུ་ལ་ལ་བསོད་ནམས་ལྡན་གྱུར་པས། །གཏེར་གྱི་
D453.082.0274a04.01འབྱུང་གནས་ཆེན་པོ་རྙེད་གྱུར་པས། །བརྒྱན་པའི་གནས་ཀྱི་རྒྱན་དུ་རབ་སྦྱངས་ནས། །དེ་དག་ལུས་དང་མཐུན་པའི་རྒྱན་དུ་བྱེད། །དེ་ཉིད་མཁས་པས་ཆོས་ཀྱི་རྒྱན་ཐོབ་ནས། །སེམས་དང་བློ་ཡངས་རྒྱ་མཚོར་གྱུར་བྱས་ཤིང་། །ཇི་ལྟར་སྔོན་ཐོས་ཆོས་རྣམས་རྟོགས་པར་
D453.082.0274a05.01བྱེད། །མི་མཐུན་ཚུལ་དུ་མོས་པ་ཚོལ་མི་བྱེད། །དེ་ལྟར་རྒྱན་གྱུར་ཤིན་ཏུ་མཐུན་པར་སྤྱོད། །རྣམ་པར་མི་བསྒོམ་ཆོས་ནི་གང་ཡང་མེད། །དེ་དག་ཆོས་རྣམས་ཇི་བཞིན་རྒྱན་བྱེད་ཅིང་། །ཆོས་ཀུན་ཁོང་དུ་ཆུད་པས་མཛེས་པར་བྱེད། །མཁས་པ་རྣམ་དག་རིན་ཆེན་རྒྱུན་གྱུར་
D453.082.0274a06.01པས། །རྒྱུད་འདིའི་གནས་ལ་ལེགས་པར་བརྒྱན་མཐོང་བས། །དགའ་བའི་སེམས་ཡིད་དང་བས་སྤྲོ་བ་བསྐྱེད། །ཆོས་ཀྱི་ཡིད་ལ་བདག་ཉིད་ཆེ་བ་བརྩོན། །རྟེན་ཅིང་འབྲེལ་འབྱུང་ཆོས་ལ་རབ་ཏུ་འཇུག །ཆོས་རྣམས་མཉམ་པ་ཉིད་ལ་དེ་བརྩོན་ཏེ། །དཀྱིལ་འཁོར་རྣམ་པར་
D453.082.0274a07.01