完整藏文原文 · 德格版页 当前仅加载第 82 函德格 309a 版页；藏文 NFD、目录标记与异常页序保留在来源切片中，重复版页行以稳定序号区分。
ཟད་གཏེར་མི་འགྱུར། །འདིར་ནི་གནས་མེད་ཡེ་ཤེས་དགེ་བའི་ལམ། །འདིར་ནི་བདེན་ཡང་དེར་ནི་ལྡོག་མི་འགྱུར། །དེ་ལྟར་རྟོགས་ནས་སྙིང་རྗེར་ལྡན་པ་དག །ཡེ་ཤེས་བསམ་ཡས་སྐད་ཅིག་གིས་བསྒྲུབས་པ། །དཔལ་ལྡན་ཀུན་དུ་བཟང་པོའི་ངོ་བོ་ཉིད། །མཁས་
D453.082.0309a01.01པས་གང་ཞིག་ངེས་པར་བསམ་མི་བྱེད། །གང་དུ་དཔལ་ལྡན་འདུས་པའི་ལམ་ལས་ནི། །རྣལ་འབྱོར་དབང་ཕྱུག་རྣམས་ཀྱིས་བགྲོད་པའི་དོན། །རྒྱལ་བ་རྒྱ་མཚོའི་ཡེ་ཤེས་དམ་པའི་གཞི། །ཚད་མེད་བྱང་ཆུབ་རྒྱན་གྱུར་གསང་བའོ། །འདི་ནི་མཚུངས་མེད་དམ་པ་མཆོག་གི་གནས། །
D453.082.0309a02.01དུག་ལྔའི་རྟོག་པ་དེ་ཉིད་ངོ་བོ་ཉིད། །ཡོངས་སུ་ཤེས་པའི་ལམ་གྱུར་བསམ་མི་ཁྱབ། །འཕགས་པ་ཉན་ཐོས་དགྲ་བཅོམ་ཟག་པ་ཟད། །དེ་ལ་ཐོག་མར་རྒྱུན་དུ་ཞུགས་པ་དང་། །ཕྱིར་མི་འོང་དང་ལན་ཅིག་ཕྱིར་ཞུགས་པ། །དེ་དག་འཁོར་བ་དག་པར་འདོད་པའི་ལམ། །རང་སངས་
D453.082.0309a03.01རྒྱས་ནི་འབྱུང་ཚུལ་གཉིས་སུ་གནས། །སྨོན་ལམ་འབྲས་བུ་ཐོབ་པ་ངལ་བསོའི་ལམ། །བྱང་ཆུབ་སེམས་དཔའ་སེང་གེའི་རྒྱལ་པོ་ལྟར། །{རི་དགས་,རི་དྭགས་}ཕྲ་མོ་སྐྲག་བྱེད་འདིར་འབྱུང་བ། །ངང་པ་གླང་ཆེན་ཁྱུ་མཆོག་རྩལ་གྱིས་ནི། །{རི་དགས་,རི་དྭགས་}སེང་གེ་ཤ་ར་ཎ་མཆོག་དང་། །མཁའ་ལྡིང་
D453.082.0309a04.01ག་རུ་ཌ་ལི་ལྡིང་གྱུར་པ། །འབྲུག་སྒྲ་སྒྲོགས་བྱེད་ཅང་ཤེས་རྟ་ཡི་རྩལ། །བྱ་ཁྱུང་ཆེན་པོ་ཤང་ཤང་རུ་རུ་སྟེ། །རི་བོང་དག་གིས་རང་སྤྱོད་ཤུགས་བསྟན་པའོ། །འཁོར་བའི་རྒྱ་མཚོར་ནོར་བུ་གནས་པའི་གཞི། །ཀླུ་དབང་རྣམས་དང་ཆུ་སྲིན་ཆེན་པོ་དང་། །ལྟོས་འགྲོ་ཟ་བྱེད་ཤིན་ཏུ་མི་བཟད་པས། །
D453.082.0309a05.01རུས་སྦལ་དུང་ལྟར་མ་འདྲེས་གནས་བྱས་པ། །དེ་ལས་མུ་ཏིག་ལ་སོགས་སྣ་ཚོགས་པ། །གང་དུ་ཡོན་ཏན་ལྡན་ཡང་བག་མེད་གནས། །བག་ལ་ཉལ་བའི་ཕྱོགས་ནི་ཟློག་པ་གཉིས། །སྐབས་ལས་མ་བབ་ནུས་པ་འབྱུང་མི་ནུས། །ས་བོན་ཕྲ་མོ་ཀུན་ནས་ལྡང་བ་ན། །དུས་
D453.082.0309a06.01ལ་བབ་ཚེ་སླུ་བ་མེད་པར་འབྱུང་། །དེད་དཔོན་ཐབས་ལ་མཁས་པའི་གཟིངས་བཅས་པས། །ཐར་པ་ཐོབ་བྱེད་ཡན་ལག་ཀུན་ལྡན་པས། །རིན་ཆེན་ནོར་བུས་དགོས་པ་རབ་སྒྲུབ་པ། །དཔལ་ལྡན་འདུས་པའི་རྒྱུད་དུ་ཤེས་པར་བྱ། །དབང་ཐོབ་བྱེད་པ་རྡོ་རྗེའི་ཐེག་པ་འདིར། །བུམ་པ་
D453.082.0309a07.01