完整藏文原文 · 德格版页 当前仅加载第 82 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཆོག་ཏུ་ས་ཡི་མཐར་ཐུག་པ། །བཅུ་གསུམ་ཡེ་ཤེས་རྡོ་རྗེ་འཛིན། །བདེ་བའི་འབྱུང་གནས་བླ་ན་མེད། །གསང་བ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་
D453.082.0159a01.01འདས་པདྨོའི་འོད་ཟེར་རྣམ་པར་རོལ་པ་རྡོ་རྗེ་སངས་རྒྱས་ཐམས་ཅད་ཀྱི་གནས་མི་ཟད་པ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་མཉམ་ཉིད་ཡེ་ཤེས་དང་། །འགྲོ་བའི་བླ་མ་ཆོས་དོན་གྱིས། །ཚད་མེད་
D453.082.0159a02.01ཐུགས་རྗེས་ཡོངས་སུ་བསྡུ། །དེ་ཉིད་མི་རྟོག་གསང་བའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགྲ་བཅོམ་གྲགས་པའི་འོད་ཟེར་སངས་རྒྱས་ཐམས་ཅད་ཀྱི་ཀུན་ནས་ཆོས་ཀྱི་སྒྲ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0159a03.01ཀྱི་སེམས་འདི་གསུངས་སོ། །གང་དུ་སྡུད་ཅིང་སྤྲོ་བ་དང་། །མཚན་བཅས་དམིགས་པ་མེད་པ་རུ། །ཡེ་ཤེས་རྒྱལ་ལ་ཕྱག་རྒྱས་བཏབ། །འདི་ནི་དག་པའི་དོན་སྟོན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་གྲོགས་རྡོ་རྗེ་སངས་རྒྱས་ཐམས་ཅད་ཀྱི་
D453.082.0159a04.01གསང་བ་ངེས་པར་རྟོགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཀུན་གྱིས་ནམ་མཁའི་ཁམས། །ཡོངས་སུ་གང་བ་ཏིལ་འབྲུ་བཞིན། །སེམས་ཅན་སྨིན་ཅིང་གྲོལ་བྱེད་པས། །ཡེ་ཤེས་མངོན་པར་བསྡུས་པ་
D453.082.0159a05.01ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་ཉོན་མོངས་པ་སངས་རྒྱས་ཐམས་ཅད་ཀྱི་འཕྲོ་བའི་སྤྲིན་བཀོད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་དངོས་དང་དངོས་མེད་པས། །
D453.082.0159a06.01མི་ཕྱེད་ཡེ་ཤེས་བདེ་བ་ཆེ། །སྣ་ཚོགས་འདུ་འབྲལ་མེད་པའི་ངང་། །ཡེ་ཤེས་ཕྱག་རྒྱ་ཆེན་པོར་བསྟན། །ཞེས་གསུངས་སོ། །དེ་ནས་དེ་བཞིན་གཤེགས་པ་འདམ་བུའི་འོད་སངས་རྒྱས་ཐམས་ཅད་ཀྱི་ཡེ་ཤེས་མངོན་པར་བྱང་ཆུབ་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་
D453.082.0159a07.01