完整藏文原文 · 德格版页 当前仅加载第 82 函德格 326a 版页；藏文 NFD、目录标记与异常页序保留在来源切片中，重复版页行以稳定序号区分。
མཚན་ཉིད་བྲལ། །ཆོས་ཉིད་རང་བྱུང་མཁའ་དང་མཚུངས་པ་ལས། །རྒྱལ་བས་དོན་དམ་རབ་ཏུ་མི་གནས་པ། །ཆོས་ཉིད་སྟོང་ཉིད་དེ་བཞིན་ཉིད་དུ་ནི། །རྟེན་ཅིང་འབྲེལ་བར་འབྱུང་བའི་ཆོས་རྣམས་ལ། །རྒྱུ་རྐྱེན་འབྲས་བུས་གྲུབ་པ་ཡང་དག་ལམ། །
D453.082.0326a01.01ཀུན་རྫོབ་སྤྱོད་ཡུལ་ཡིན་པར་རབ་ཏུ་བསྟན། །ཞིང་མང་མཐའ་ཡས་ཀུན་དུ་དེ་ཉིད་སྟོན། །སྒྱུ་མའི་མཁན་པོ་མཁས་པས་གང་དུ་ནི། །འགྲོ་བའི་གཟུགས་བརྙན་དུ་མ་སྟོན་པ་བཞིན། །དེ་བཞིན་སྟོན་པ་ཡེ་ཤེས་མཆོག་མཁྱེན་པ། །ཀུན་དུ་འགྲོ་བའི་དོན་དུ་རབ་ཏུ་
D453.082.0326a02.01སྟོན། །ཐམས་ཅད་མ་ལུས་ཆོས་ཉིད་དེ་འདྲ་སྟེ། །མཚན་དང་མཚན་གཞི་མཉམ་པ་ཉིད་ཀྱིས་འདྲ། །མཚན་ཉིད་མེད་པ་ཆོས་རྣམས་ཀུན་གྱི་མཆོག །བདེ་བར་གཤེགས་པའི་ལམ་འདི་ཐོབ་འདོད་པས། །རྟོག་དང་རྣམ་རྟོག་མ་ལུས་སྤང་མེད་པས། །གསང་ཆེན་
D453.082.0326a03.01ཚུལ་འདི་གང་གིས་སྤྱོད་པ་ནི། །དངོས་དང་དངོས་མེད་མཉམ་ཉིད་ཤེས་པར་གྱིས། །གང་དུ་རྣལ་འབྱོར་གྱི་དབང་ཕྱུག་དུ་མའི་སྤྱོད་ཡུལ་གསང་བ་ཆེན་པོ་བསམ་གྱིས་མི་ཁྱབ་པའི་ཏིང་ངེ་འཛིན་མཚུངས་པ་མེད་པར་སྤྱོད་པ་འདི་ལ་འདི་ལྟ་སྟེ། གསང་བ་ཆེན་པོ་བླ་ན་མེད་པའི་
D453.082.0326a04.01ཚུལ་འདི་ནི་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཆོས་ཐམས་ཅད་ཀྱི་དཀྱིལ་འཁོར་ཚད་མེད་པ་རབ་ཏུ་སྤྱོད་པ། །གསང་བ་ཆེན་པོ་ཆོས་ཀྱི་ཚུལ། ཆོས་ཀྱི་དབྱིངས་ལྟ་བ་པོ་མེད་པ། ཆོས་
D453.082.0326a05.01ཐམས་ཅད་ཤེས་པ་པོ་མེད་པར་ཡང་དག་པར་ངོ་བོ་ཉིད་ཀྱིས་སྟོང་པ་ཉིད་དུ་ཡང་དག་པར་ལྟ་སྟེ། ཡེ་ཤེས་ཀྱི་སྣང་བ་རབ་ཏུ་ཐོབ་པས་ཆོས་ཐམས་ཅད་ལ་ལུས་མེད་པར་རབ་ཏུ་མཐོང་བ། ཆོས་ཉིད་དེ་བཞིན་ཉིད་ཀྱི་རྒྱ་མཚོ་ལ་མི་གནས་པའི་ཚུལ་བསྟན་པ་ཉིད་
D453.082.0326a06.01དོ། །སྲིད་པ་དང་ཞི་བའི་ཆོས་ཐམས་ཅད་རབ་ཏུ་ཞི་བ་ཉིད་ནམ་མཁའ་ལྟ་བུར་གནས་པ། འདུས་བྱས་ཀྱི་ཁམས་འདུས་མ་བྱས་སུ་མངོན་པར་སྤགས་པར་མི་བྱེད་ལ། འདུས་མ་བྱས་ཀྱི་ཁམས་འདུས་བྱས་སུ་སྒྲོ་བཏགས་པ་ཐམས་ཅད་ཀྱིས་རྣམ་པར་མི་རྟོག་
D453.082.0326a07.01