完整藏文原文 · 德格版页 当前仅加载第 82 函德格 195a 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་སངས་རྒྱས་ཐམས་ཅད་ཀྱི་མིག་དང་གཟུགས་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་བསམ་པ་དུག་མེད་པ། །ཕུན་སུམ་ཚོགས་པའི་གཞི་
D453.082.0195a01.01ཅན་ཏེ། །ཟླ་བ་ཚེས་པའི་ངོ་བཞིན་ཏེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དཔལ་རྒྱལ་མཛེས་སངས་རྒྱས་ཐམས་ཅད་ཀྱི་སྐྱེ་མཆེད་དྲུག་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་
D453.082.0195a02.01པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ལོངས་སྤྱོད་གཙང་བའི་བསྒྲུབས་པ་དང་། །ལུས་དང་ཡན་ལག་དངོས་པོ་ཡི། །རྡུལ་ཕྲན་གྱུར་པ་ལེགས་ཕུལ་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་
D453.082.0195a03.01དེ་བཞིན་གཤེགས་པ་རྙོག་པ་མེད་པའི་དོན་སངས་རྒྱས་ཐམས་ཅད་ཀྱི་རྣམ་པར་ཤེས་པའི་ཆོས་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དེ་བཞིན་ཉིད་ཀྱི་སྤྱོད་ཡུལ་ནི། །བསོད་
D453.082.0195a04.01ནམས་ཚོགས་ནི་སྒྱུ་མ་སྟེ། །ཡེ་ཤེས་ཚོགས་ནི་ནམ་མཁའ་ལྟར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དྲག་ཤུལ་སྡེ་ཅན་སངས་རྒྱས་ཐམས་ཅད་ཀྱི་རེག་པ་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0195a05.01སྙོམས་རབ་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཡན་ལག་བཞི་ལྡན་དཔུང་ཚོགས་བཅས། །བླ་མེད་རྣལ་འབྱོར་པ་ཡི་གནས། །ཞིང་དང་བསམ་པ་དག་པ་ཡིས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་
D453.082.0195a06.01ནས་དེ་བཞིན་གཤེགས་པ་བསོད་ནམས་གཟི་བརྗིད་སངས་རྒྱས་ཐམས་ཅད་ཀྱི་ཚོར་བ་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །སྒྱུ་མ་ལྟ་བུའི་སྦྱོར་བ་ཡིས། །འགྲོ་བ་ཀུན་ལ་སྙོམས་པ་
D453.082.0195a07.01