完整藏文原文 · 德格版页 当前仅加载第 82 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
ཉམས་དགའ་བར། །རྡོ་རྗེ་ཕུར་བུ་ལིང་ག་ཡི། །བྱང་ཆུབ་སེམས་ཀྱི་བདུད་རྩི་ཡིས། །བདུད་རྩི་འབབ་པས་ཕུར་གདབ་ཡིན། །བསམ་གཏན་རྡོ་རྗེའི་སྦྱོར་བ་ཡིས། །རང་གི་ཕྱག་རྒྱའི་བྷ་གར་ནི། །བདེ་བས་ཕུར་བུ་ངེས་པར་འདེབས། །དེ་ཡི་དེ་མ་ཐག་ཏུ་ཡང་། །ཕུང་
D453.082.0307b01.01པོ་ཁམས་དང་སྐྱེ་མཆེད་དང་། །ལུས་ཀུན་ལ་ནི་གནས་གྱུར་པའི། །ལྷ་རྣམས་བདུད་རྩིའི་ཆ་དག་ཏུ། །ངེས་པར་ཞུ་བས་དེ་ལས་བསྐུལ། །ཤིན་ཏུ་ཞུ་བར་གྱུར་པ་ལས། །བྱང་སེམས་བདེ་བའི་ཁུ་བ་དག །སྣང་བ་དཀྱིལ་འཁོར་བདག་ཉིད་དེ། །རྡོ་རྗེ་སེམས་དཔའ་རྒྱལ་པོ་
D453.082.0307b02.01ཆེ། །ཕུར་བུས་བཏབ་ན་ངེས་པར་འཆི། །སྐུ་གསུང་ཐུགས་ཀྱི་རྡོ་རྗེ་གསུམ། །གསང་བའི་ཚུལ་ལ་གནས་པ་ཡིས། །རྩ་རླུང་བྱང་ཆུབ་སེམས་རྣམས་ནི། །བདེ་སྟོང་གཉིས་མེད་གྱུར་པས་ན། །འཆི་བ་ཞེས་ནི་བརྗོད་པ་ཡིན། །ཕྱི་རོལ་ནད་གདོན་ཉོན་མོངས་དག །བདུད་བཞི་བཅོམ་པས་
D453.082.0307b03.01ལྡང་བར་འགྱུར། །གསང་བ་དམ་པ་བསྡུས་པ་ཡིས། །སྙིང་པོ་མཆོག་ཏུ་འབྱུང་བ་ཉིད། །རྡོ་རྗེ་ཕུར་བུ་བསྟན་པ་གདབ་པར་བྱ་བའི་ཏིང་ངེ་འཛིན་བསྟན་པའོ། །དེ་ནས་འདི་ནི་གསུངས་ཙམ་གྱིས། །འགྲོ་བའི་གནོད་པ་ཞི་བྱེད་པ། །བཀའ་ཡི་འཁོར་ལོ་རྒྱས་པ་པོ། །དེ་ཉིད་དང་
D453.082.0307b04.01ལ་གནས་པར་གྱུར། །བཅོམ་ལྡན་རྣམ་པར་སྣང་མཛད་དཔལ། །སྐུ་ཡི་རྣམ་པར་འཕྲུལ་པ་ནི། །ངེས་འབྱུང་རྡོ་རྗེའི་ཏིང་འཛིན་ལ། །སྙོམས་པར་ཞུགས་ཏེ་ཚུལ་འདི་གསུངས། །འོད་འཕྲོ་འཁྲུག་ཅིང་མདངས་བཟང་བའི། །རྡོ་རྗེ་སེམས་དཔའ་མཉམ་བཞག་ནས། །རྡོ་རྗེ་གསུམ་
D453.082.0307b05.01གྱི་སྐུ་ཡི་མཐར། །གཟུགས་བརྙན་བསམས་ནས་སྦྱང་བར་བྱ། །སངས་རྒྱས་དཀྱིལ་འཁོར་མཆོག་དག་ནི། །ནམ་མཁའི་དབྱིངས་ཀྱི་དབུས་བསམས་པ། །སྔགས་ཀྱི་རྡོ་རྗེ་རྣམ་པ་བཞི། །འདིས་ནི་རྡོ་རྗེ་གནས་གསུམ་བྱེད། །ཆོས་ཉིད་ཡེ་ཤེས་ངང་ལས་བསྡུས་པ་ཡིས། །སྟོང་ཉིད་བྱང་ཆུབ་
D453.082.0307b06.01སེམས་ཀྱི་ངང་ཉིད་ལས། །རང་བྱུང་རྟེན་དང་བརྟེན་པར་བཅས་པ་ཡི། །དཀྱིལ་འཁོར་གཙོ་བོ་སྤྲོ་དང་བསྡུས་བྱས་ལ། །ཧཱུྃ་དཔལ་ལྡན་འཇམ་པའི་རྡོ་རྗེ་ཞེས་བྱ་བ། །གུར་ཀུམ་བཟང་པོའི་མདོག་ཅན་དམར་སེར་ལ། །གཡས་དང་གཡོན་པའི་ཞལ་ནི་དཀར་དང་སྔོ། །སྣ་ཚོགས་རྒྱན་གྱིས་རྣམ་པར་
D453.082.0307b07.01