完整藏文原文 · 德格版页 当前仅加载第 82 函德格 118b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱེ་མེད་རྟེན་འབྲེལ་རང་དག་པ། །ཆུ་རླབས་གཡོ་བ་རང་བཞིན་མེད། །གནས་པ་མེད་དེ་སྟོན་པ་པོ། །ཞེས་གསུངས་སོ། །ཁྲོ་བོ་བདུད་རྩི་འཁྱིལ་པ་དེས། །བྱིན་གྱིས་རློབ་པའི་ཡེ་ཤེས་ཚུལ། །འགྲོ་རྣམས་བྱང་ཆུབ་སེམས་རང་བཞིན། །ཁམས་རྣམས་
D453.082.0118b01.01སྟོབས་སུ་གྱུར་པ་དག །དག་པ་བདེ་བའི་འབྱུང་གནས་ཏེ། །ཡེ་ཤེས་བརྟེན་པ་དེ་ལས་འབྱུང་། །ཞེས་གསུངས་སོ། །ཁྲོ་བོའི་རྒྱལ་པོ་མི་གཡོ་མགོན། །མཁའ་དབྱིངས་ཏིང་འཛིན་ལ་ཞུགས་ཏེ། །རྟོག་པ་ཐམས་ཅད་དག་པའི་དབྱིངས། །ཆོས་རྣམས་ཐམས་ཅད་
D453.082.0118b02.01རྐྱེན་ལ་བརྟེན། །རང་འབྱུང་ཡེ་ཤེས་ཐོབ་བྱེད་པ། །གནས་པ་མེད་པ་ཉིད་དུ་འགྱུར། །ཞེས་གསུངས་སོ། །ཁྲོ་བོ་ཊཀྐི་རཱ་ཛ་རྒྱལ། །བསམ་གཏན་རྡོ་རྗེས་བརྟེན་པ་ཉིད། །ཡང་དག་ཡེ་ཤེས་དགའ་བས་བརྒྱན། །ལུས་དང་ལུས་མེད་བརྟེན་པ་མེད། །ཡེ་ཤེས་ལུས་ནི་དྲི་
D453.082.0118b03.01མ་མེད། །རྟོག་པ་མེད་ཅིང་འགག་པ་མེད། །ཅེས་གསུངས་སོ། །ཁྲོ་བོ་རྡོ་རྗེ་དབྱུག་པ་འཛིན། །འཇིགས་པར་མཛད་པ་ཁྲོས་པའི་སྐུ། །སྙིང་རྗེ་ཆེན་པོས་གདུག་པ་འདུལ། །ཡེ་ཤེས་ཆེན་པོ་འབྱུང་བའི་རྒྱུ། །བྱམས་པའི་ཐུགས་ཀྱིས་ཁྱབ་པ་པོ། །སེམས་ཅན་མགོན་
D453.082.0118b04.01པོ་དག་པའོ། །ཞེས་གསུངས་སོ། །གཙུག་ཏོར་དམ་ཚིག་ཁྲོ་བོ་ནི། །རིག་པའི་སྟོབས་མཆོག་ལ་གནས་པས། །བཀའ་ཡི་འཁོར་ལོ་རྒྱས་པ་པོ། །བསྟན་པའི་དོན་ནི་ཐོབ་པ་སྟེ། །ཉོན་མོངས་ཟད་བྱེད་ཡེ་ཤེས་མཆོག །གནས་པ་མེད་པས་སྟོན་པར་མཛད། །
D453.082.0118b05.01ཅེས་གསུངས་སོ། །རྡོ་རྗེ་གནོད་མཛེས་ཁྲོ་བོ་ཆེ། །རབ་ཏུ་འབྱུང་གནས་ལ་བརྟེན་ནས། །ཡང་དག་སྟོབས་ནི་དག་པ་ཆེ། །ཆོས་ཀྱི་འབྱུང་གནས་འགག་པ་མེད། །རོལ་པའི་སྒྱུ་མ་སྟོན་པར་བྱེད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །རྡོ་རྗེ་ཁྲོ་
D453.082.0118b06.01བོ་སྟོབས་པོ་ཆེ། །སྐུ་གསུམ་མི་ཕྱེད་ལ་གནས་པས། །རྟོག་པས་མི་ཤིགས་བདུད་རྣམས་འཇོམས། །ཀུན་དུ་སྤྱོད་པ་ཀུན་དུ་སྤྱད། །ལོག་རྟོག་ཐམས་ཅད་གནས་སུ་དག །ཡེ་ཤེས་འབྱུང་གནས་ཆེན་པོའོ། །ཞེས་གསུངས་སོ། །བྱང་ཆུབ་ཀྱི་སེམས་
D453.082.0118b07.01