完整藏文原文 · 德格版页 当前仅加载第 82 函德格 187a 版页；藏文 NFD、目录标记与异常页序保留在来源切片中，重复版页行以稳定序号区分。
འཇུག་སྟོན་པའོ། །དེ་ནས་དེ་བཞིན་གཤེགས་པ་གཟིགས་པ་ལྷའི་དབང་ཕྱུག་སངས་རྒྱས་ཐམས་ཅད་ཀྱི་ཡེ་ཤེས་རྡོ་རྗེ་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །དེ་ཉིད་གསང་བའི་ཡེ་ཤེས་ཆེ། །
D453.082.0187a01.01སྙིང་པོ་ཕྱག་རྒྱ་ཆེན་པོའི་ངང་། །ཟབ་དང་རྒྱ་ཆེའི་ཚུལ་གནས་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚངས་དབུ་སྒྱུ་མ་ལྟ་བུ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །རྒྱལ་
D453.082.0187a02.01བ་ཀུན་འདུས་རིག་བའི་ངང་། །རྡོ་རྗེ་འཛིན་པའི་ས་གནས་པས། །སྐུ་བཞི་ཡེ་ཤེས་མཆོག་རྟག་པས། །དྲི་མེད་འདུལ་བའི་ཚུལ་མཆོག་གོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དལ་གྱིས་བཞུད་པ་སངས་རྒྱས་ཐམས་ཅད་ཀྱི་སེང་གེ་རྣམ་པར་བསྒྱིངས་པ་རྡོ་རྗེ་
D453.082.0187a03.01ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །དེ་བཞིན་གཤེགས་པའི་བྱང་ཆུབ་སེམས། །འབད་པ་མེད་པར་འབྱུང་བ་ནི། །ཆོས་རྣམས་དབྱེར་མེད་གཅིག་པའི་སྐུ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0187a04.01དེ་ནས་དེ་བཞིན་གཤེགས་པ་བརྟུལ་ཞུགས་དཀའ་ཐུབ་སངས་རྒྱས་ཐམས་ཅད་ཀྱི་དཔའ་བར་འགྲོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུས་ཏེ། །བྱང་ཆུབ་ཀྱི་སེམས་འདི་གསུངས་སོ། །མཐོང་ཆོས་དོན་ཡོད་སྙིང་པོ་ནི། །འབྲས་བུ་གྲུབ་པའི་རྐྱེན་འབྱུང་བ། །དེ་ཉིད་སད་བྱེད་
D453.082.0187a05.01རྣམ་པར་ཐར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འོད་ཟེར་ཕུང་པོ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་སྐམ་སར་གནས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །སེམས་
D453.082.0187a06.01ཅན་རྣམས་ཀྱི་བསམ་པ་ཡི། །སྤྱོད་ཡུལ་སྣ་ཚོགས་འབྱུང་བ་ན། །ཐར་བའི་ལམ་ལ་སྤྱད་པར་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་ཆེན་པོ་སངས་རྒྱས་ཐམས་ཅད་ཀྱི་བདེན་པ་དག་པ་རྡོ་རྗེ་སངས་
D453.082.0187a07.01