完整藏文原文 · 德格版页 当前仅加载第 82 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྒྱུ་མ་དོན་དམ་པར་མི་གནས། །སྒྱུ་མའི་ཚོགས་གཉིས་འབད་མེད་པས། །དེ་ཉིད་ངང་དུ་ཐོབ་ཅིང་གྲོལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་
D453.082.0247a01.01གཤེགས་པ་རིན་ཆེན་ཕུང་པོས་སངས་རྒྱས་ཐམས་ཅད་ཀྱི་ཡེ་ཤེས་བརྗོད་དུ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་བཞིན་རྟོག་པ་དག་པའི་དང་། །དེ་ཉིད་སྤང་བླང་ལས་གྲོལ་ཕྱིར། །འོད་གསལ་ངང་དུ་སྨྲར་མེད་དོན།།
D453.082.0247a02.01བྱང་ཆུབ་ཚུལ་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་མཛེས་པར་གཤེགས་པ་སངས་རྒྱས་ཐམས་ཅད་ཀྱི་རྒྱན་མངོན་པར་བསྟན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལྐོག་གྱུར་གནས་པའི་
D453.082.0247a03.01རྟེན་དག་ཅིང་། །ཚད་མེད་བཞི་ལས་འཚར་བ་གང་། །དེ་བཞིན་གཤེགས་པས་ཡོངས་སུ་མཁྱེན། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ལྟར་དེ་བཞིན་གཤེགས་པས་གསུངས་པ་ཡི། །སྙིང་པོ་མངོན་པར་བྱང་ཆུབ་པ། །སྟོང་ཉིད་ཡེ་ཤེས་ནམ་མཁའ་
D453.082.0247a04.01ལྟར། །ཆོས་སྐུ་རང་བྱུང་མཉམ་པ་ཉིད། །འགོག་པ་མེད་ཕྱིར་སྣང་བ་པོ། །འོད་གསལ་སྙིས་པོ་འབྲས་འབྱུང་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་གསང་བ་གསང་བ་འདུས་བ་སངས་རྒྱས་ཐམས་ཅད་ཀྱི་རྣལ་འབྱོར་ཆེན་པོ་གཉིས་སུ་
D453.082.0247a05.01མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་དབྱིངས་དང་ཡེ་ཤེས་བསམ་གྱིས་མི་ཁྱབ་པའི་དོན་གྱི་ལེའུ་སྟེ་ལྔ་བཅུ་དྲུག་པའོ།། །།དེ་ནས་དེ་བཞིན་གཤེགས་པ་ཉི་མ་ལྟར་གཤེགས་པ་ཐམས་ཅད་ཀྱི་ལུས་དྲན་པ་ཉེ་བར་གཞག་པ་རྡོ་རྗེ་ཞེས་བྱ་བའི་ཏིང་ངེ་འཛིན་
D453.082.0247a06.01ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལུས་ཀྱིས་ལུས་ཀྱི་རྗེས་ལྟ་ཞིང་། །དེ་ཉིད་རང་བཞིན་མེད་པར་ཡང་། །ཆ་ཤས་མེད་པའི་རྣམ་པ་ཅན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དག་པའི་འོད་
D453.082.0247a07.01