完整藏文原文 · 德格版页 当前仅加载第 82 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་སོ། །ཡོངས་སུ་དག་པའི་སྒོ་དང་ནི། །མཐའ་དབུས་དག་པ་རྡོ་རྗེའི་དབྱིངས། །མཚུངས་པར་ལྡན་པ་དག་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་ལྡན་པས་སངས་རྒྱས་ཐམས་ཅད་ཀྱིས་ཀུན་ཏུ་
D453.082.0245b01.01གཟིགས་པ་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཀྱིས་སེམས་ནི་མི་མཐོང་ཞིང་། །སངས་རྒྱས་རྣམས་ཀྱིས་དོན་དམ་ཆེ། །རྣམ་པར་གཟིགས་པ་མེད་གྱུར་ཕྱིར། །བྱང་ཆུབ་སེམས་འདི་གསུངས་པའོ། །
D453.082.0245b02.01ཞེས་གསུངས་སོ། །དེ་ནས་དེ་བཞིན་གཤེགས་པ་སྲུང་བའི་དབང་པོས་སངས་རྒྱས་ཐམས་ཅད་ཀྱི་ཤིན་ཏུ་རྣམ་པར་དག་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཤེས་རབ་རྣམ་པར་དག་པ་ཡི། །སྣང་བ་ཆེན་ཆེན་པོའི་
D453.082.0245b03.01ཡེ་ཤེས་མེ། །མ་ལུས་སྟོང་ཉིད་རང་བྱུང་ལས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་ཆེན་པོ་སངས་རྒྱས་ཐམས་ཅད་ཀྱི་མཚུངས་པ་མེད་པའི་ཡེ་ཤེས་ཀྱི་རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་
D453.082.0245b04.01སེམས་འདི་གསུངས་སོ། །ཆོས་རྣམས་ནམ་མཁའི་ངོ་བོ་ཉིད། །རྣམ་པར་ཤེས་བ་སྐྱེ་མེད་དེ། །སྐྱེ་བ་ཙམ་དུ་བགྱིད་མ་ལེགས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བློ་གྲོས་རྒྱ་མཚོས་སངས་རྒྱས་ཐམས་ཅད་ཀྱི་ཡེ་ཤེས་
D453.082.0245b05.01མངོན་པར་རོལ་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སངས་རྒྱས་ཡེ་ཤེས་སྒྱུ་མ་ལས། །རྣམ་པའི་དྲ་བ་དག་པའི་ཕྱིར། །དཔེ་བྲལ་བདེ་བའི་ས་གཅིག་པུ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་
D453.082.0245b06.01བཞིན་གཤེགས་པ་བདུད་རྩིའི་དཔལ་གྱིས་སངས་རྒྱས་ཐམས་ཅད་ཀྱི་ཡིད་ལས་མ་བྱུང་བ་རྡོ་རྗེ་རྣམ་པར་དག་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྒྱུ་རྐྱེན་ཡུལ་དག་མི་དམིགས་པས། །རྡོ་རྗེ་དག་དང་མ་དག་མེད། །སྤྲོས་མེད་ཚུལ་ནི་
D453.082.0245b07.01