完整藏文原文 · 德格版页 当前仅加载第 82 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྲོགས་ཕྱོགས་བཅུ་ཀུན་ཁྱབ་པ། །གང་ཕྱིར་དམ་ཆོས་གསུང་རབ་ཡན་ལག་དགུ། །གདུལ་བྱ་ཐམས་ཅད་ལ་ནི་བསྐྱོད་པའོ། །རླུང་གིས་བསྐྱོད་པའི་བ་དན་ཕྲེང་བ་དང་། །མེ་ལོང་དྲ་བ་དྲ་ཕྱེད་མེ་ཏོག་གི། །ཕྲེང་བ་སྣ་ཚོགས་ཀྱིས་བརྒྱན་མཉམ་པ་
D453.082.0238a01.01མེད། །ཡེ་ཤེས་མེ་ལོང་དྲི་མེད་བྱང་ཆུབ་ཀྱི། །ཡན་ལག་དྲི་ནི་མེ་ཏོག་ཕུན་སུམ་ཚོགས། །ཀ་བ་བཟང་པོ་བརྒྱད་ཀྱིས་ཉེར་མཛེས་པ། །རྣམ་ཐར་བརྒྱད་པོ་རྣམ་པར་དག་པ་ཡིན། །རྡོ་རྗེའི་གདུང་དང་ཡང་དག་ལྡན་པ་ནི། །རེའུ་མིག་ཕོ་བྲང་དབུས་ཀྱི་མཚན་ཉིད་དེ། །རྡོ་རྗེ་
D453.082.0238a02.01འདོད་ཡོན་སྣམ་བུས་ཡོངས་འཁོར་བ། །གྲུ་ཆད་རིམ་གཉིས་ལྷ་སྣམ་ནང་སྐོར་ཡངས། །པཉྩ་རེག་ཡེ་ཤེས་ལྔ་ལྡན་པའི། །རྡོ་རྗེའི་རྩིག་པ་མ་འདྲེས་གསལ་བ་ལས། །ཕྱི་ནང་མེད་པར་ཤེལ་སྒོང་དངས་པ་ལྟར། །དག་ཅིང་དྲི་མེད་ཡེ་ཤེས་ཕོ་བྲང་སྟེ། །རིན་ཆེན་ཕ་གུ་སྣ་
D453.082.0238a03.01ཚོགས་འཕྲས་སྤྲས་ཤིང་། །དྲ་བ་དྲ་བ་ཕྱེད་པའི་དོ་ཤལ་ཅན། །རྟ་བབས་ཆོས་ཀྱི་འཁོར་ལོ་{རི་དགས་,རི་དྭགས་}བཅས། །བྱམས་སོགས་ཚད་མེད་གདུགས་ཀྱིས་ཁྱབ་པ་ཡི། །རྩེ་མོ་རིན་ཆེན་བུམ་པས་བསྡུས་པ་ཉིད། །ཐེག་མཆོག་གཅིག་ཏུ་ངེས་བར་བསྡུས་པ་སྟེ། །ཚད་མེད་མུ་
D453.082.0238a04.01ཏིག་རྡོ་རྗེའི་ར་བ་དང་། །མེ་འོད་ཕྲེང་བ་འཁྲིགས་པའི་རང་བཞིན་ཅན། །ཆུ་སྐྱེས་གེ་སར་དུ་མའི་རྣམ་པ་ཅན། །རིགས་ཀྱི་ཡེ་ཤེས་བླ་མེད་བརྒྱན་པ་ཡི། །རྡོ་རྗེ་ཐེག་ཆོས་འཁོར་ལོ་རབ་བསྐོར་བའོ། །བླ་མེད་མཐའ་ཡས་འདོད་ཡོན་རིག་མ་ཡི། །ལྷ་མོ་བཅུ་དྲུག་དག་གིས་
D453.082.0238a05.01ཡོངས་སུ་བསྐོར། །སྟོང་ཉིད་ཤེས་རབ་རང་བཞིན་ངོ་བོ་ཡིས། །གཟུགས་སོགས་ཡུལ་རྣམས་རྣམ་དག་ཕ་རོལ་ཕྱིན། །རྗེས་སུ་དྲན་པས་མཆོད་པས་ཉེར་བརྒྱན་པ། །ཆོས་དབྱིངས་རྣམ་པར་དག་པའི་རྒྱུ་མཐུན་ཡིན། །སྣ་ཚོགས་པདྨའི་ཟེའུ་འབྲུར་ལེགས་གནས་པའི། །
D453.082.0238a06.01ཉི་ཟླའི་མགོན་བཅས་ལྷ་ཡི་གནས་རྣམས་དང་། །རིན་ཆེན་མ་ལུས་པ་ཡིས་རྣམ་སྤྲས་པའི། །གཞལ་ཡས་ཁང་པ་དེ་ལྟར་བསམ་པར་བྱ། །དེ་ཡི་དབུས་སུ་རྡོ་རྗེ་འཛིན་པ་ནི། །དཀྱིལ་འཁོར་ལྷ་ཚོགས་འབྱུང་བ་ཐམས་ཅད་ཀྱང་། །སྐད་ཅིག་གཅིག་ལས་སྐྱེས་བའི་བདག་ཉིད་དེ།
D453.082.0238a07.01