完整藏文原文 · 德格版页 当前仅加载第 82 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་ཞེས་བྱའོ། །ཞེས་སྨྲས་པ་དང་། བྱང་ཆུབ་སེམས་དཔའི་ཚོགས་འདུས་པ་དེ་དག་ཐམས་ཅད་ཀྱི་སེམས་ཀྱི་རྟོག་པ་ཡོངས་སུ་ཆོད་ནས་ལེགས་སོ་ལེགས་སོ་ཞེས་བརྗོད་ནས་ཅང་མི་སྨྲ་བར་གྱུར་ཏོ། །དེ་བཞིན་གཤེགས་པ་ཐམས་
D453.082.0133a01.01ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་ཐུན་མོང་མ་ཡིན་པའི་གསང་བ་རབ་ཏུ་བསྟན་པའི་ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་ལྷའི་མེ་ཏོག་
D453.082.0133a02.01དེ་བཞིན་གཤེགས་པ་ཐམས་ཅད་ཀྱི་ཚངས་པའི་གནས་བཞི་ཡོངས་སུ་དག་པར་དམིགས་པ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །བྱང་ཆུབ་སེམས་ཀྱི་ཆུ་རྒྱུན་གྱིས། །རང་སེམས་དྲི་མ་བཀྲུ་བར་བྱ། །
D453.082.0133a03.01དག་པའི་ཐུགས་ནི་ཡེ་ཤེས་ཆེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དོན་ལེགས་སེམས་དཔའི་དེ་བཞིན་གཤེགས་པ་ཕ་རོལ་ཏུ་ཕྱིན་པའི་ཚུལ་དག་པའི་གསང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་
D453.082.0133a04.01ཀྱི་སེམས་འདི་གསུངས་སོ། །ཕ་རོལ་ཕྱིན་ནམ་དག་པའི་གནས། །བརྟུལ་ཞུགས་སྤྱོད་པའི་ཐུན་མོང་ཡུལ། །སྙིང་པོ་དགྱེས་པའི་རྩ་བ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཆོས་ཀྱི་འབྱུང་གནས་དེ་བཞིན་གཤེགས་པ་
D453.082.0133a05.01ཐམས་ཅད་ཀྱི་ཡེ་ཤེས་ཀྱི་སྤྲིན་སྤྲོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གསང་བ་ཆོས་ཉིད་དག་པ་ཉིད། །ཕྱག་རྒྱ་ཆེན་པོའི་ཚུལ་མཆོག་གིས། །འགྲོ་བའི་བློ་ཡིས་མུན་སེལ་བ། །ཡེ་ཤེས་ཚུལ་འདི་བསྟན་པའོ། །
D453.082.0133a06.01ཞེས་གསུངས་སོ། །དེ་ནས་བཅོམ་ལྡན་འདས་བློ་གྲགས་པའི་དཔལ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་གློག་གི་འོད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཕྱི་དང་ནང་དུ་དངོས་པོའི་ཆོས། །དུ་མ་ཉིད་དུ་མི་རྟོག་
D453.082.0133a07.01