完整藏文原文 · 德格版页 当前仅加载第 82 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
རྣོ། །ཆོས་རྣམས་སྨིག་རྒྱུ་ལྟ་བུ་སྟེ། །གྲུབ་པ་མེད་པའི་དངོས་པོ་ལས། །དེ་ཉིད་ཆུར་མཐོང་འཁྲུལ་པའི་ལམ། །དེ་ལྟར་སྣ་ཚོགས་སྣང་བ་ཡང་། །གྲུབ་མེད་སྟོང་པའི་སྣང་བ་ལས། །གཞན་མེད་འཁྲུལ་བར་མ་བྱེད་ཅིག །ཆོས་རྣམས་རྨི་ལམ་ལྟ་བུ་
D453.082.0296b01.01སྟེ། །རྨི་ལམ་དུ་ནི་འཇིག་རྟེན་དང་། །འཇིག་རྟེན་འདས་པ་མ་གྲུབ་སྟེ། །ཁམས་གསུམ་བརྟན་དང་གཡོ་བར་བཅས། །འཕོ་བ་མེད་ཅིང་སྐྱེ་བ་མེད། །ཀུན་ནས་ཉོན་མོངས་རྣམ་བྱེད་མེད། །དེ་ཉིད་མེད་བཞིན་སྣང་བ་ཡང་། །འགག་པ་མེད་པར་འབྱུང་
D453.082.0296b02.01བའི་ཕྱིར། །རྣམ་དག་གནས་མེད་སྣང་བ་བྲལ། །དེ་ལྟར་ཆོས་ཀུན་རྨི་ལམ་དང་། །ངོ་བོ་ཉིད་གཅིག་ཤེས་བྱ་སྟེ། །རྨི་ལམ་གྱི་ནི་ཚུལ་དུ་ཡང་། །ཀུན་ནས་སྤྱོད་པས་ཁྱབ་པར་བྱ། །དངོས་སྣང་མ་ལུས་ཆོས་ཁྱབ་པ། །ཐམས་ཅད་རྨི་ལམ་རི་མོ་ལྟར། །དངོས་
D453.082.0296b03.01མེད་སྣང་བར་བ་ཤེས་བྱ། །རྨི་ལམ་གྱི་ངོ་བོ་ཉིད་ཀྱི་ཚུལ་དང་། རྨི་ལམ་ལ་མངོན་པར་ཆགས་པ་སྤོང་བ་དང་། རྨི་ལམ་རབ་ཏུ་དབེན་པར་ཤེས་པ་དང་། རྨི་ལམ་གྱི་རང་བཞིན་ཤེས་པར་བྱ་བ་དང་། ཆོས་ཐམས་ཅད་ལ་རྨི་ལམ་ལྟ་བུར་བྱིན་གྱིས་རློབ་པ་དང་།
D453.082.0296b04.01ཆོས་ཐམས་ཅད་རྨི་ལམ་དང་ཐ་མི་དད་པར་འཆར་བའི་དོན་དང་། ཆོས་ཐམས་ཅད་རྨི་ལམ་ལྟ་བུའི་འདུ་ཤེས་སྔོན་དུ་འགྲོ་བ་དང་། རྨི་ལམ་ཉིད་དུང་རྣམ་པར་མི་རྟོག་ཅིང་མི་སྤྱོད་པ་དང་། རྨི་ལམ་གྱི་འཇིག་རྟེན་ཁོག་དུ་ཆུད་པ་ལྟ་བུར་རབ་ཏུ་རྟོགས་པར་བྱ་བ་ཉིད་
D453.082.0296b05.01ངོ་། །དེ་ཉིད་བླ་མེད་ཚུལ་འདི་རྟོགས་པར་བྱ། འདི་དག་རྨི་ལམ་ལྟ་བུར་ཁོང་ཆུད་ཅིང་། །ཆོས་ཀུན་སྲིད་པ་མ་ལུས་སྣང་བ་ཡང་། །རྨི་ལམ་ངོ་བོ་ཉིད་དུ་རབ་ཏུ་རྟོགས། །འདི་ནི་ཡུལ་དང་ཕྱོགས་ལ་མི་གནས་ཏེ། །རྨི་ལམ་རབ་ཏུ་ཞིལ་དེ་དག་གཞོལ། །རང་བཞིན་
D453.082.0296b06.01མཁས་ཤིང་རྣམ་པར་རྟོག་མེད་ལྡན། །རྟོགས་པའི་ཡིད་ལྡན་སེམས་ལ་འགྱུར་བ་མེད། །ཀུན་དུ་རྨི་ལམ་ལྟ་བུར་ཤིན་ཏུ་སྤྱོད། །དུས་གསུམ་མ་ལུས་བག་ཆགས་གཟུགས་བརྙན་རྣམས། །ཤིན་ཏུ་ཉེར་འབྱུང་ལུས་འདས་སྦྱང་བར་བྱ། །རྨི་ལམ་སྒྱུ་མ་ལྟ་བུར་རབ་ཤེས་བྱ། །
D453.082.0296b07.01