完整藏文原文 · 德格版页 当前仅加载第 82 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་བའི་ཆོས་ཉིད་སྤངས་པ་ན། །དུག་ཉིད་བདུད་རྩིར་སྒྱུར་བ་དང་། །རང་བྱུང་བདུད་རྩི་སྦྱངས་གྱུར་པས། །བཀྲེས་སྐོམ་མེད་པར་འགྱུར་བ་ཡིན། །བསམ་པ་རྣམ་པར་དག་གྱུར་ལ། །དུག་སྦྲུལ་འཚེ་བར་མི་འགྱུར་ཏེ། །དེ་ལས་གཞན་དུ་བཟློག་པ་ཡིས། །དུག་སྦྲུལ་གཞན་ལ་སྤོང་
D453.082.0288b01.01བར་བྱེད། །ཤིན་ཏུ་ཁྲོས་པར་གྱུར་ནས་ཀྱང་། །ཀླུ་རྣམས་ལ་ནི་བཀའ་བསྒོ་བས། །ལོག་པར་ལྟ་བའི་རྒོལ་བ་ཀུན། །དུག་སྦྲུལ་ཆེན་པོས་ཟ་བར་འགྱུར། །གལ་ཏེ་དད་གྱུར་དེ་དག་ལ། །ཏིང་འཛིན་སྤོ་བའི་སྦྱོར་བ་ཡིས། །དུག་རྣམས་སྐད་ཅིག་གཅིག་གིས་སེལ།།
D453.082.0288b02.01ཡེ་ཤེས་རླུང་ལས་གྱུར་པ་ཡི། །འཕོ་མེད་མི་ཆོད་རྡོ་རྗེ་ལས། །སེམས་ཅན་གདུག་པའི་སྲོག་ཆགས་ཆེ། །སྟག་སོགས་ཁ་ནི་འཆིང་བར་བྱེད། །གང་དུ་ཐབས་དང་ཤེས་རབ་ལས། །མཉམ་སྦྱོར་ཁུ་བའི་རྣམ་པ་ནི། །བཙུན་མོའི་བྷ་ག་དེ་ལས་ནི། །བསྐྱིལ་
D453.082.0288b03.01དང་བཟློག་པའི་སྦྱོར་བ་ཡིས། །གང་གཱ་ལ་སོགས་ཆུ་བོ་རྣམས། །གང་ཞིག་བཟློག་སྟེ་འབབ་པར་གྱུར། །རྩ་གསུམ་ལས་ནི་བྱུང་བ་དང་། །རྩ་ཕྲན་གཞན་ལས་འབབ་པ་དག །གལ་ཏེ་ཟློག་པར་གྱུར་པ་དག །ཤིན་ཏུ་ཆུ་བོ་སྐེམས་པར་བྱེད། །སྲིད་རྩེ་ལ་སོགས་
D453.082.0288b04.01འཇིག་རྟེན་པའི། །བསམ་གཏན་ཏིང་འཛིན་གནས་བྱས་ལ། །དེ་ཉིད་སྟོང་པར་བཅུག་ན་ནི། །ལྷ་ཆེན་དག་ཀྱང་འཇིག་འགྱུར་ལ། །གཞན་དུ་ཨ་རྫ་ཀ་བཞིན་བྱེད། །དེ་ཉིད་དུ་ནི་གསང་ཆེན་གྱི། །ཕྲིན་ལས་ཕྲན་ཚེགས་བསྟན་པ་སྟེ། །རྒྱུད་ཀུན་དུ་ནི་མ་བསྟན་
D453.082.0288b05.01ཅིང་། །སྦས་པ་ལྐོག་ཏུ་གྱུར་པ་ཡིན། །གཟུང་འཛིན་རྩ་ལས་རླུང་འཇུག་པས། །འཁོར་བའི་སྲིད་པ་སྐྱེད་པར་མཛད། །ཡང་དག་ཀུན་འདར་ཉིད་གནས་ན། །རྣམ་གྲོལ་ཞི་བ་མཆོག་ཐོབ་འགྱུར། །ལྟེ་བའི་གནས་སུ་སྲིད་ཞི་དག །སྣ་ཚོགས་འདུས་པར་
D453.082.0288b06.01འབྱུང་གནས་ཏེ། །རྩ་བཅིངས་ལྷ་ཡི་བུ་ཡི་བདུད། །འབྱུང་པོ་བྱེ་བ་ལ་སོགས་པ། །ཕྱི་རོལ་དུ་ནི་འདུལ་བར་མཛད། །སྐྱོན་དག་ཡོན་ཏན་གྱུར་པས་ན། །མཚོན་ཆའི་ཆར་ལ་སོགས་པ་ཡང་། །རིན་ཆེན་མེ་ཏོག་དག་ཏུ་འབབ། །སྡུག་བསྔལ་བདེ་བར་ཤར་བའོ། །
D453.082.0288b07.01