完整藏文原文 · 德格版页 当前仅加载第 82 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ནས་བཅོམ་ལྡན་འདས་ཀླུ་དགའ་ཡེ་ཤེས་འོད་སངས་རྒྱས་ཐམས་ཅད་ཀྱི་གླང་པོ་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བདེ་གཤེགས་ཡེ་ཤེས་གདུང་རྒྱུད་ནི། །བྱང་ཆུབ་སེམས་དཔའ་རྣམས་ཀྱིས་
D453.082.0135b01.01འཛིན། །འབྱུང་པོ་དུ་མ་ལམ་ལ་འཛུད། །ཡེ་ཤེས་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཤིན་ཏུ་གྲགས་པས་སངས་རྒྱས་ཐམས་ཅད་ཀྱི་ཁྱུ་མཆོག་རླབས་པོ་ཆེའི་རྩལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0135b02.01ཀྱི་སེམས་འདི་གསུངས་སོ། །རང་སེམས་རྒྱལ་པོ་རང་འབྱུང་གནས། །ཤར་ནུབ་མེད་པའི་ཉི་མ་ལས། །རྟོག་མེད་ཅིར་ཡང་གསལ་བ་ཉིད། །གསང་བའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་སྟོབས་ཀྱི་ལྷ་སངས་རྒྱས་ཐམས་
D453.082.0135b03.01ཅད་ཀྱིས་མངོན་པར་དབང་བསྐུར་བའི་གསང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཐུན་མོང་མ་ཡིན་པའི་བྱང་ཆུབ་ཀྱི་སེམས་འདི་གསུངས་སོ། །དེ་བཞིན་ཉིད་ཀྱིས་དབང་བསྐུར་བ། །ཐོབ་པའི་ཁྱད་པར་སེམས་ལས་བྱུང་། །འདི་ནི་དུས་གསུམ་ཀུན་དུ་
D453.082.0135b04.01འབྱུང་། །བྱང་ཆུབ་ཟབ་པའི་ཚུལ་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཕྲེང་ལྡན་ཡོན་ཏན་དཔལ་སངས་རྒྱས་ཐམས་ཅད་ཀྱི་ཡོན་ཏན་དཔལ་རིན་པོ་ཆེའི་ཕྲེང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་
D453.082.0135b05.01གསུངས་སོ། །དཀྱིལ་འཁོར་དུ་མ་གསལ་བ་ཡི། །ཡོན་ཏན་རིན་ཆེན་ཚོགས་སྤྲོ་བ། །ཕྱི་དང་ནང་དུ་རྣམ་ཕྱེ་བས། །ཡེ་ཤེས་ཟབ་པའི་ཚུལ་བརྗོད་པའོ། །ཞེས་གསུངས་སོ། །དེ་ནས་བཅོམ་ལྡན་འདས་ཀླུའི་ལག་སངས་རྒྱས་ཐམས་ཅད་ཀྱི་མཆོད་པའི་གནས་
D453.082.0135b06.01ཀྱིས་བརྒྱན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདིར་ནི་སྣང་བ་བླ་མེད་པ། །རྒྱུན་དུ་རང་སེམས་ཆོས་ཀྱི་ཀློང་། །རྒྱུན་མི་འཆད་པ་ཆོས་ཀྱི་སྐུ། །སྙིང་པོའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་
D453.082.0135b07.01