完整藏文原文 · 德格版页 当前仅加载第 82 函德格 325b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་ལས་འབྱུང་བ་དུ་མ་ཡི། །ཏིང་འཛིན་སྒོ་ནི་ནམ་མཁའ་ཁྱབ་པར་འབྱུང་། །སངས་རྒྱས་སྐུས་ནི་ཞིང་ཁམས་ཁྲག་ཁྲིག་དག །ཡིད་འོང་སྣ་ཚོགས་ཁྱབ་པའི་ཡེ་ཤེས་སྐུ། །ཆོས་དབྱིངས་རྒྱ་ཆེན་ཡོངས་སུ་རྒྱས་བར་བཀང་། །བ་སྤུ་གཅིག་ལས་བདེ་ལྡན་འོད་
D453.082.0325b01.01བཀྱེ་བ། །འགྲོ་བའི་ཉོན་མོངས་ཡིད་འོང་ཞི་བར་སྤྲོ། །ཞིང་གི་རྡུལ་ཕྲན་ཟད་པར་ནུས་འགྱུར་གྱི། །འདི་དག་བགྲང་བར་ཤེས་པར་མི་ནུས་སོ། །འཁོར་ལོས་སྒྱུར་བའི་དམ་པར་ལ་ལས་མཐོང་། །ལ་ལས་སངས་རྒྱས་མཚན་རབ་མངའ་བར་མཐོང་། །ལ་ལས་རིགས་དྲུག་
D453.082.0325b02.01ཐུབ་པ་སྤྲུལ་པར་མཐོང་། །ཞིང་རྣམས་ལ་ལར་སྤྱོད་པ་མཆོག་མཛད་ཅིང་། །དག་ཅིང་རྐང་གཉིས་ཞི་བ་དམ་པ་མཐོང་། །དགའ་ལྡན་གནས་ན་མགོན་པོ་བཞུགས་པ་དང་། །རྒྱལ་ཚབ་བསྐོ་མཛད་ཉེ་བར་འཕོ་བ་བསྟན། །གཤེགས་དང་གཟིགས་པ་དེ་དག་རབ་ཏུ་བསྟན། །
D453.082.0325b03.01ཞིང་རྣམས་བྱེ་བར་ཡུམ་གྱི་ལྷུམས་འཇུག་དང་། །ཞིང་རྣམས་ཀུན་དུ་སྐྱེ་བ་སྟོན་པ་ཉིད། །གཞོན་ནུ་རོལ་ཅིང་སྒྱུ་རྩལ་གནས་པས་མཁས། །ཕོ་བྲང་བཙུན་མོའི་ནང་ན་བཞུགས་པར་སྟོན། །འགྲོ་བའི་དོན་དུ་མགོན་པོ་ངེས་འབྱུང་ཞིང་། །དཀའ་ཐུབ་སྤྱད་ཅིང་དེ་ལས་
D453.082.0325b04.01ལྡང་བར་སྟོན། །མི་གཡོ་གོ་འཕང་དུ་ནི་གནས་བྱས་ཤིང་། །བསམ་གཏན་བསྐུལ་བ་མཛད་དང་རྒྱལ་བ་ཐོབ། །རྒྱལ་བའི་དུས་ལས་བསླང་བ་འདི་དག་གིས། །གསང་བ་མངོན་པར་བྱང་ཆུབ་དེ་ཉིད་བསྟན། །བྱང་ཆུབ་སྙིང་པོ་རྡོ་རྗེ་གདན་དུ་གཤེགས། །དེ་ཉིད་
D453.082.0325b05.01བཅོམ་ལྡན་མངོན་པར་སངས་རྒྱས་ལ། །ས་ཡི་ལྷ་མོ་དགྱེས་པས་ཁྱབ་བྱས་ཤིང་། །བདུད་སྡེ་བཅོམ་པས་མི་འགྱུར་མཆོག་གི་གནས། །གསང་བ་འོག་མིན་འདི་ནི་ཡེ་ཤེས་ཡུལ། །གཉིས་མེད་རྡོ་རྗེའི་གནས་སུ་རྫོགས་སངས་རྒྱས། །ཆོས་ཀྱི་འཁོར་ལོ་དེས་
D453.082.0325b06.01ལེགས་ལམ་བསྟན་པ། །མཚན་ཉིད་མེད་པའི་ཚུལ་དུ་གསང་བ་བསྟན། །རྒྱུད་སྡེ་ཡན་ལག་ཕྱི་ནང་གསང་བ་ཡི། །རྣམ་པ་གསུམ་དུ་ཆོས་ཀྱི་འཁོར་ལོ་བསྐོར། །དེ་ལྟར་དེ་བཞིན་གཤེགས་པས་ཚུལ་འདི་གསུངས། །སྟོང་པ་ཞི་བ་བདག་མེད་
D453.082.0325b07.01