完整藏文原文 · 德格版页 当前仅加载第 82 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་འཛིན་པ་དེ་བཞིན་གཤེགས་པས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད། །དཔེར་ན་ནམ་
D453.082.0193b01.01མཁའ་གང་དུ་ཡང་། །མཚན་ཅན་ཀུན་ལ་མི་གནས་ཏེ། །དེ་ཉིད་ཁྱབ་ཅིང་བདག་མེད་པས། །མི་ལྡན་པ་ཡང་མ་ཡིན་ཏེ། །ནམ་མཁའི་ཆོས་ཉིད་དེ་ལ་ནི། །ཀུན་དུ་རྟོག་པ་ཡོད་མིན་ཏེ། །རྟོག་ཅིང་རྗེས་སུ་སྤྱོད་པ་ཡི། །བདག་དང་གཞན་དུ་རྟོག་མི་བྱེད། །
D453.082.0193b02.01དེ་བཞིན་ཆོས་རྣམས་ཐམས་ཅད་ཀུན། །རྨི་ལམ་ལྟ་བུར་སྣང་བ་སྟེ། །རྗེས་སུ་འགྲོ་དང་ལྡོག་པ་བྲལ། །དེ་བཞིན་གཤེགས་པའི་གཟུགས་བརྙན་བཞིན། །རྨི་ལམ་དམ་ཚིག་ལས་བྱུང་བ། །དེ་ཉིད་སྒྱུ་མར་གྱུར་པ་དང་། །ཁྱད་པར་ཅུང་ཟད་ཡོད་མིན་ཏེ། །རྨི་ལམ་
D453.082.0193b03.01དང་ནི་དངོས་སྣང་གཉིས། །ཁྱད་པར་ཅུང་ཟད་ཡོད་མིན་ཏེ། །གཞན་དུ་དེ་ཉིད་རྟོགས་པར་བྱ། །རླུང་དང་བཅས་པ་འཕོ་བའི་གནས། །འགྲོ་བ་ཀུན་གྱི་མགྲིན་པར་སྐྱེས། །ཡི་གེ་ཨོཾ་བཅས་གནས་པ་ཉིད། །ཨ་ནུ་ཏ་ར་བརྗོད་བ་གང་། །གཟུང་ཞིང་བསྒྱུར་
D453.082.0193b04.01དང་སྤེལ་བ་དང་། །སྲུ་མར་དྲན་དང་རྒྱས་གདབ་པས། །རྨིས་པ་བསམ་གཏན་ལམ་དུ་འགྱུར། །ཀྱེ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྨི་ལམ་དེ་ནི་བདག་གིས་ཁམས་གསུམ་དུ་རྨི་ལམ་མཐོང་བར་བྱའོ་སྙམ་དུའང་མི་སེམས་སོ། །སྐྱེས་བུ་
D453.082.0193b05.01དེ་ཡང་བདག་གིས་རྨི་ལམ་གྱི་ཆོས་མཐོང་ངོ་སྙམ་དུའང་སེམས་པ་མེད་དེ། །དེ་བས་ན་ཁམས་གསུམ་དུ་སྣང་བའི་བྱ་བ་དེ་རྣམས་ཀྱང་། །བག་ཆགས་གཟུགས་སུ་སྣང་བའི་ཕྱིར། །རྨི་ལམ་ལྟ་བུར་བསྟན་པ་ཡིན། །འཁྲུལ་བ་དེ་ཉིད་རྒྱུ་མེད་པས། །རྨི་
D453.082.0193b06.01ལམ་ཉིད་དང་མཚུངས་པར་བསྟན། །སྔ་མ་མི་གནས་རང་གྲོལ་ཏེ། །ཕྱི་མ་འབྱུང་བ་མི་འགག་ཕྱིར། །རྨི་ལམ་ལས་ནི་འབྱུང་བར་བཤད། །དེ་བཞིན་དུ་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཕྱོགས་བཅུའི་འཇིག་རྟེན་གྱི་ཁམས་ཀྱི་སངས་རྒྱས་དང་།
D453.082.0193b07.01