完整藏文原文 · 德格版页 当前仅加载第 82 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
གང་དུ་སངས་རྒྱས་འོད་ཟེར་སྣང་བས་ཁྱབ། །དེ་ཉིད་འདོམ་གང་འོད་ནི་དཔའ་རླབས་གཉིས། །གཉིས་མེད་གཅིག་ཏུ་དག་པས་དབུ་མ་ཉིད། །དབྱེར་མེད་ཡེ་ཤེས་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་ཟླ་བ་སངས་རྒྱས་
D453.082.0162b01.01ཐམས་ཅད་ཀྱི་བྱང་ཆུབ་ཀྱི་ཤིང་མཆོག་ལ་དམིགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རིན་ཆེན་བརྟན་པའི་ལྗོན་པའི་ཤིང་། །དེ་ཉིད་བྱང་ཆུབ་སེམས་ལས་བྱུང་། །སྐྱེས་པ་སེམས་བསྐྱེད་རྟེན་གྱུར་
D453.082.0162b02.01པས། །རང་བྱུང་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཞི་བ་སངས་རྒྱས་ཐམས་ཅད་ཀྱི་ཉན་ཐོས་ཆེན་པོ་རྣམས་ཀྱིས་དཔག་པར་དཀའ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0162b03.01ཟབ་པ་ཤིན་ཏུ་ཞི་བའི་གནས། །རྡུལ་མེད་རྙོག་པ་མེད་པའི་ཐུགས། །བསམ་གཏན་རྡོ་རྗེ་ཚད་མེད་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རབ་གསལ་རྒྱལ་པོ་སངས་རྒྱས་ཐམས་ཅད་ཀྱི་ཉན་ཐོས་དགྲ་བཅོམ་པ་ཆེན་པོ་
D453.082.0162b04.01རྣམས་ཀྱིས་བརྟག་པར་དཀའ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གནས་པ་མེད་པའི་གནས་གྱུར་པ། །ཁྱུ་མཆོག་ཆེན་པོ་བྱང་ཆུབ་སེམས། །རང་གཞན་མི་ཕྱེད་མི་དམིགས་པས། །དེ་ཉིད་ཚུལ་འདི་
D453.082.0162b05.01བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐུབ་པ་ཁ་ལོ་སྒྱུར་བ་སངས་རྒྱས་ཐམས་ཅད་ཀྱི་གནས་རྒྱུན་དུ་ཞུགས་པ་རྣམས་ཀྱིས་དམིགས་སུ་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0162b06.01འཁོར་བའི་རྒྱུན་འདི་མྱ་ངན་འདས། །དེ་ཉིད་སྤང་དུ་མེད་པས་ན། །ཡེ་ཤེས་ཤེས་རབ་རབ་གནས་པས། །དག་པ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགེ་བའི་དབང་ཕྱུག་སངས་རྒྱས་ཐམས་ཅད་ཀྱི་ཡེ་ཤེས་ཕྱིར་མི་འོང་བ་རྣམས་
D453.082.0162b07.01