完整藏文原文 · 德格版页 当前仅加载第 82 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
ལམ་དུ་རྫུ་འཕྲུལ་སྟོབས་ཀྱིས་བརྗོད། །གནད་ནི་རྣམ་པ་བཞི་དག་སྟེ། །ལུས་དང་དུས་དང་ཡུལ་དང་ནི། །རླུང་གི་གནད་དུ་ཤེས་པར་བྱ། །དང་པོའི་ཡེ་ཤེས་བླ་ན་མེད། །པདྨ་ལྟར་གསལ་རབ་འབར་བ། །ས་ནི་ཐོག་མར་མངོན་པར་པར་བདེ། །རྒྱུ་ལམ་ཡན་ལག་བདུན་
D453.082.0148b01.01ལྡན་པ། །འཇུག་གནས་རྒྱུ་ལམ་རང་བཞིན་བཅས། །དབང་གིས་འཇུག་དང་རང་བྱིན་བརླབ། །ཕྱི་ནང་གསང་བ་མཆོག་ཏུ་གྱུར། །འབྲུ་གསུམ་ཨེ་བྃ་མ་ཡར་བཅས། །འབྲས་བུ་སྙིང་པོ་ཕྱག་རྒྱ་ཆེ། །རང་བཞིན་མེད་པ་དག་པའི་དབྱིངས། །འོད་གསལ་མངོན་པར་བྱང་ཆུབ་པ། །
D453.082.0148b02.01ཚད་མེད་སྙིང་རྗེ་བསྡུ་དངོས་ཀྱིས། །ངེས་པར་རབ་གང་མི་དམིགས་པའོ། །སེམས་ཅན་སྣ་ཚོགས་འདུལ་དོན་དུ། །སངས་རྒྱས་རྣམས་ནི་ཡང་དང་ཡང་། །སེམས་བསྐྱེད་གྱུར་པས་ལམ་སྦྱངས་ཏེ། །མཛད་པ་དུ་མའི་ཆོ་འཕྲུལ་རྣམས། །རྒྱུན་མི་འཆད་ཕྱིར་སེམས་བསྐྱེད་པའོ། །
D453.082.0148b03.01དྲི་མེད་སེམས་ནི་རྣམ་ཀུན་དུ། །རང་རིག་ཡེ་ཤེས་ཐོགས་མེད་པས། །འགག་པ་མེད་ཅིང་སྐྱེ་མེད་ཀྱང་། །སེམས་ཅན་དོན་དུ་འཁོར་ཞིང་ལྡིང་། །བྱང་ཆུབ་སེམས་ནི་མི་ཟད་པ། །དེ་ཕྱིར་ཕྲིན་ལས་རྒྱུན་མི་འཆད། །རྣམ་པར་མི་རྟོག་མི་དམིགས་པས། །ཀུན་མཁྱེན་ཡེ་ཤེས་
D453.082.0148b04.01ནམ་མཁའི་དབྱིངས། །གདུལ་བྱའི་ཁམས་དང་མཐུན་པར་འཇུག །སངས་རྒྱས་རྣམས་ཀྱི་སྒྱུ་འཕྲུལ་གར། །དེ་ནི་སྤྲུལ་པའི་སྐུ་ཞེས་བརྗོད། །རྒྱལ་བ་ལོངས་སྤྱོད་རྫོགས་པའི་སྐུ། །ཡོན་ཏན་དུ་མས་རབ་བརྒྱན་ཅིང་། །མཚན་དང་དཔེ་བྱད་འབར་བ་དང་། །ཡེ་ཤེས་སྐུས་
D453.082.0148b05.01ནི་གཞན་དོན་ཕྱིར། །སྣང་བའི་འོད་འབྱེད་དག་པའི་དོན། །རྟག་ཏུ་བདེ་བ་ཅན་དུ་བཞུགས། །བདེ་བ་ཆེན་པོ་དབྱེར་མེད་ཅིང་། །ཐབས་དང་ཤེས་རབ་མི་ཕྱེད་པའི། །རྣལ་འབྱོར་དབང་ཕྱུག་བཅོམ་ལྡན་འདས། །ཁ་སྦྱར་སྦྱོར་བ་གསང་བ་ཆེ། །རྡོ་རྗེ་པདྨ་མཉམ་སྦྱོར་
D453.082.0148b06.01པ། །མེ་ཏོག་དང་ནི་དེ་ཡི་དྲི། །དབྱེར་མེད་རྟེན་དང་བརྟེན་པར་གནས། །མཆོག་ཏུ་དག་པ་བདག་མེད་པ། །སྐུ་གསུམ་ཐ་དད་བསྟན་པ་ནི། །གདུལ་བྱའི་དབང་ལ་གྱུར་པ་ཡིན། །ཁྱད་པར་ཡན་ལག་ངེས་པར་ནི། །སྐུ་གསུམ་གཅིག་ཏུ་བསྡུས་པའི་དོན། །སངས་
D453.082.0148b07.01