完整藏文原文 · 德格版页 当前仅加载第 82 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
པར་གནས། །སྒྲིབ་གཉིས་སྙོམས་པར་འཇུག་བཅས་པ། །ལྷན་ཅིག་འབྱུང་བ་མི་གནས་པས། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྣང་བ་གཟིགས་སངས་རྒྱས་ཐམས་ཅད་ཀྱི་རྒྱལ་པ་ཡེ་ཤེས་གསག་བའི་མཛོད་
D453.082.0256a01.01རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡེ་ཤེས་རྒྱས་མཚོའི་ངང་ཉིད་ལས། །དབའ་རླབས་སྣ་ཚོགས་ཚོ་འཕྲུལ་སྟོན། །འདི་ཉིད་ཡོན་ཏན་འབྱུང་བའི་གཞི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །རྟོག་མེད་ཡེ་ཤེས་
D453.082.0256a02.01དབྱིངས་གྱུར་པ། །ནམ་མཁའི་ཀུན་དུ་རྟོག་བྲལ་པས། །རླུང་སེམས་མཉམ་པར་གྱུར་པས་ན། །མཚུངས་མེད་ནོར་བུའི་གཏེར་མཆོག་འགྱུར། །ཆོས་ཉིད་ངང་དུ་བཞུགས་པ་དག །ཐུན་མོང་ཚུལ་འདི་བསྟན་པའོ། །ཞེས་གསུངས་སོ། །དེ་བཞིན་གཤེགས་པ་ཐམས་ཅད་
D453.082.0256a03.01ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་སངས་རྒྱས་ཐམས་ཅད་ཀྱི་ནོར་བུའི་ཏོག་གི་རྒྱལ་པོའི་ངོ་བོའི་ལེའུ་སྟེ་དྲུག་ཅུ་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་
D453.082.0256a04.01ལེགས་སྤྱོད་རྣམ་པར་སྨིན་པའི་རྒྱལ་པོ་སངས་རྒྱས་ཐམས་ཅད་ཀྱི་ཆ་མེད་ཕྱོགས་ཆས་སྟོད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་བྱུང་ཡེ་ཤེས་གནས་མེད་རྒྱལ། །མཐའ་དབུས་ལས་གྲོལ་དེ་བཞིན་ཉིད། །སངས་རྒྱས་ཉིད་ཀྱིས་མི་
D453.082.0256a05.01གཟིགས་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལེགས་དགྱེས་རྡོ་རྗེ་སངས་རྒྱས་ཐམས་ཅད་ཀྱི་དགོངས་པ་གཅིག་ཏུ་འགྱུར་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མི་གཉིས་ཐ་དད་
D453.082.0256a06.01མེད་པའི་ཆོས། །གསང་བ་ངོ་བོ་ཉིད་དག་པར། །སྐྱེ་བ་མེད་ལ་ཆོས་འབྱུང་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མྱ་ངན་བྲལ་སངས་རྒྱས་ཐམས་ཅད་ཀྱི་རབ་ཏུ་ཉམས་པ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0256a07.01