完整藏文原文 · 德格版页 当前仅加载第 82 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་བསྟན་པའོ། །ཛཱྃ་ཀྵྦིྃ། འཕགས་པ་ཡིད་བཞིན་ནོར་བུའི་མདོག །ཞལ་གསུམ་ཕྱག་དྲུག་གསེར་གྱི་མདོག །རིན་ཆེན་སྣ་ཚོགས་རྒྱན་སྤྲས་པ། །སྐུ་མདོག་ལས་བྱུང་རིགས་འཕྲོ་བས། །དོན་གྲུབ་རྒྱལ་པོས་དབུ་བརྒྱན་པ། །གཡས་པ་སྔོ་
D453.082.0305a01.01ཞིང་གཡོན་དམར་བ། །དང་པོ་གཉིས་ཀྱིས་ནེའུ་ལེ་ཡི། །ཁ་ནས་སྐྱུག་བྱེད་ནོར་བུ་འཛིན། །གཡས་གཡོན་གཞན་གྱིས་རྒྱལ་མཚན་དང་། །བཱི་ཛ་པུ་ར་རིན་ཆེན་གྱི། །བཟང་པོའི་སྣོད་བཅས་འཛིན་པར་བསམ། །དེ་ལས་གསང་བ་བདུད་རྩིའི་ཆུ། །རྩ་ལམ་ལག་
D453.082.0305a02.01མཐིལ་བརྒྱུད་ནས་ནི། །དབུལ་བ་མཁས་པ་དག་གིས་བྱ། །ཉིན་རེ་ཞིང་དུ་མཆོད་བྱས་ནས། །དེ་ལ་དངོས་གྲུབ་ངེས་སྟེར་བྱེད། །འཕགས་མ་ནོར་ལྡན་མ་བསྐྱེད་པ། །ཞལ་གསུམ་ཕྱག་དྲུག་གུར་ཀུམ་མདོག །གཡས་དཀར་གཡོན་དམར་ལྗང་སྤྱན་གསུམ། །
D453.082.0305a03.01དང་པོ་པི་ཙུ་ད་ལ་དང་། །གཡོན་པས་འབྲུ་ཡི་སྙེ་མ་འཛིན། །ལྷག་མས་བུམ་པ་པདྨ་སྣོད། །ཡིད་བཞིན་ནོར་བུ་དཔལ་བེའུ་འཛིན། །འདི་ནི་རིན་ཆེན་སྣ་ཚོགས་པའི། །ཕྲེང་བ་འོད་འཕྲོ་བསམ་པར་བྱ། །དེ་ལས་སྤྲོ་དང་བསྡུ་བ་ནི། །གནོད་སྦྱིན་མོ་ནི་རྣམ་མང་པོ། །
D453.082.0305a04.01ཟླ་བ་བཟང་དང་རབ་བཟང་མ། །བདེ་སྦྱིན་མ་དང་སྟོབས་ཆེན་མོ། །ལྷ་མོ་བཀྲ་ཤིས་སྦྱིན་པ་མོ། །དཔལ་སྦྱིན་མ་དང་དོན་གྲུབ་མ། །རབ་དགྱེས་བདེ་སྦྱིན་མི་འཁྲུགས་མ། །ཡང་དག་རྒྱན་མ་འདི་རྣམས་ཏེ། །འཁོར་ལོས་ཡོངས་སུ་ལེགས་བསྐོར་མ། །རིན་ཆེན་
D453.082.0305a05.01གཞལ་ཡས་ཁང་གནས་པའི། །ལྷ་མོ་རྣམས་ལ་དུས་གསུམ་དུ། །བསྲེག་སྤོས་དབུལ་ཞིང་ཕྲིན་ལས་གཞོལ། །འདི་ནི་གསང་བ་མ་ལུས་པའི། །གནོད་སྦྱིན་མོ་ཡི་རྟོག་པར་གསུངས། །འདི་ལས་འདའ་བར་བྱེད་པ་ནི། །གསང་བ་ཚུལ་གནས་མ་ཡིན་ན། །
D453.082.0305a06.01དེ་ནས་བཅོམ་ལྡན་དེ་བཞིན་གཤེགས། །འཇིག་རྟེན་དབང་ཕྱུག་རྒྱལ་བ་ཡི། །གསུང་གི་རྣམ་པར་འཕྲུལ་པ་ཡི། །ཏིང་ངེ་འཛིན་ལ་སྙོམས་ཞུགས་ཏེ། །འདི་ཉིད་དེ་མ་ཐག་ཕྱུང་ནས། །ཡེ་ཤེས་དམ་པ་བཀའ་སྩལ་ཏོ། །ཧྲིཿཤིན་ཏུ་དབེན་ཞིང་རབ་ཏུ་ཉམས་དགའ་
D453.082.0305a07.01