完整藏文原文 · 德格版页 当前仅加载第 82 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་རྣལ་འབྱོར་ཆེན་པོའི་འབུལ་བ་དོན་ཡོད་པའི་མཆོག་བསྟན་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་རྒྱལ་པོ་རྡོ་རྗེ་འཛིན། །རྡོ་རྗེ་གསང་
D453.082.0171a01.01བ་གསུམ་གྱི་མཐར། །རྡོ་རྗེ་བཀོད་པ་སྙིང་པོ་ཆེ། །གསང་བ་དམ་པ་བཀའ་སྩལ་པ། །སངས་རྒྱས་ཐམས་ཅད་གཅིག་བསྡུས་པའི། །ཡེ་ཤེས་སྣང་བ་བསྟན་པའོ། །རང་ལུས་ལྷར་གསལ་བྱང་ཆུབ་སེམས། །གང་དུ་སྲོག་དབུས་བཞུགས་པ་ན། །ཨཱ་ལི་ཀཱ་ལི་མཉམ་
D453.082.0171a02.01སྦྱོར་བས། །མན་ངག་གིས་ནི་རླུང་བསྡུས་ཏེ། །དེ་ཚེ་བཟླས་པ་བརྟན་གྱུར་པས། །དེ་ཉིད་ཡེ་ཤེས་མཆོག་ཐོབ་འགྱུར། །མི་གཡོ་མི་རྟོག་ཕྲ་བའི་སེམས། །མི་མངོན་གསལ་མིན་དབུ་མར་བཞུགས། །དེ་ཉིད་རྣལ་འབྱོར་མཆོག་ཅེས་བྱ། །སྟོང་པ་ཉིད་དང་མཉམ་
D453.082.0171a03.01སྦྱོར་བས། །དེ་ཉིད་མངོན་པར་བྱང་ཆུབ་པའོ། །དེ་ཉིད་གསལ་བས་བདེ་བ་ནི། །སྒྱུ་མ་གོམས་པས་འཆང་བར་འགྱུར། །ཇི་སྲིད་སྒྱུ་མ་ལ་གསལ་བ། །དེ་སྲིད་གོམས་པས་འཇུག་པར་བྱ། །རབ་ཏུ་གསལ་བའི་གནས་ཐོབ་པས། །རང་དགེའི་ཡེ་ཤེས་ཐོབ་པར་འགྱུར། །
D453.082.0171a04.01དེ་ཉིད་ཡེ་ཤེས་བདེ་ཆེན་པོ། །ཐིག་ལེའི་གཟུགས་ཅན་གཅིག་པུ་ཉིད། །སྙིང་དབུས་མི་ཤིགས་སེམས་གཅིག་བདག །དེ་ཉིད་ཡེ་ཤེས་རང་སྟོང་པ། །སྒྱུ་མར་ངོ་བོ་ཉིད་ཀྱིས་གསལ། །གཉིས་མེད་ཡེ་ཤེས་རྣལ་འབྱོར་པས། །ཡེ་ཤེས་འབྱུང་བའི་རྡོ་རྗེའི་བློས། །
D453.082.0171a05.01མཁས་པས་མཐོང་བས་བརྟག་པར་བྱ། །ཐོག་མཐའ་མེད་པའི་ཡེ་ཤེས་ནི། །མ་བྱུང་བཅོས་མིན་ལྷན་ཅིག་སྐྱེས། །རང་རིག་གནས་ནི་འདིར་ཐོབ་པའོ། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་གསང་བ་ཆེན་པོ་ལ་དམིགས་པ་ཞེས་བྱ་བའི་ཏིང་ངེ་འཛིན་
D453.082.0171a06.01ཏོ། །དེ་ནས་དེ་བཞིན་གཤེགས་པ་མཐུ་དཔལ་སྙིང་པོ་སངས་རྒྱས་ཐམས་ཅད་ཀྱི་གསང་བ་སེང་གེའི་སྒྲ་སྒྲོགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་ཡེ་ཤེས་ས་གཞི་ལས། །སྣ་ཚོགས་མྱུ་གུ་བསྐྱེད་
D453.082.0171a07.01