完整藏文原文 · 德格版页 当前仅加载第 82 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ལྡན་གསང་བའི་རྒྱལ་པོ་རྡོ་རྗེ་འཛིན། །རང་འོད་བཅས་པའི་རིག་མས་འཁྱུད་པ་ནི། །ཞལ་གསུམ་ཕྱག་དྲུག་དུང་དང་ཀུནྡ་ལྟར། །རིན་ཆེན་དུ་མས་སྤྲས་པའི་སྐུ་མཆོག་ཅན། །རྣམ་པར་སྣང་མཛད་ཤར་དུ་རྣམ་པར་གནས། །དཀོན་མཆོག་དཔལ་ལྷོ་འོད་དཔག་ནུབ་ཏུ་
D453.082.0238b01.01གནས། །གདོན་མི་ཟ་བ་བྱང་གི་ཕྱོགས་སུའོ། །ཤར་ལྷོའི་གྲྭར་ནི་ལྷ་མོ་སྤྱན་མ་དང་། །ལྷོ་ནུབ་གྲྭར་ནི་མཱ་མ་ཀཱི་མཆོག་དང་། །ནུབ་བྱང་གྲྭར་ནི་ལྷ་མོ་གོས་དཀར་མོ། །བྱང་ཤར་གྲྭར་ནི་ལྷ་མོ་སྒྲོལ་མ་སྟེ། །ཤར་ལྷོའི་གཟུགས་དང་ལྷོ་ནུབ་སྒྲ་རྡོ་རྗེ། །ནུབ་བྱང་དུ་ནི་དྲི་ཡི་ལྷ་མོ་དང་། །
D453.082.0238b02.01བྱང་ཤར་མཚམས་སུ་རོ་ཡི་ལྷ་མོ་དག །མཁས་པས་རིམ་པ་བཞིན་དུ་བསམ་པར་བྱ། །བྱམས་པའི་མགོན་པོ་ས་ཡི་སྙིང་པོ་དག །ཤར་གྱི་སྣམ་བུ་དག་ལ་ལེགས་པར་དགོད། །གསང་བ་འཛིན་དང་ནམ་མཁའི་སྙིང་པོ་ནི། །ལྷོ་ཡི་སྣམ་བུར་གནས་པའི་སེམས་དཔའོ། །
D453.082.0238b03.01འཇིག་རྟེན་དབང་ཕྱུག་དང་ནི་འཇམ་པའི་དབྱངས། །ནུབ་ཏུ་རྣལ་འབྱོར་མཁས་པས་བསམ་པར་བྱ། །སྒྲིབ་པ་ཐམས་ཅད་རྣམ་པར་སེལ་བ་དང་། །ཀུན་དུ་བཟང་པོ་བྱང་གི་སྣམ་བུ་དགོད། །གཤིན་རྗེ་གཤེད་པོ་ཤར་སྒོར་གནས་པར་བྱ། །གཞན་གྱིས་མི་ཐུབ་ལྷོ་ཡི་སྒོ་དྲུང་
D453.082.0238b04.01གནས། །རྟ་མགྲིན་རྒྱལ་པོ་ནུབ་ཀྱི་སྒོ་དྲུང་དགོད། །བདུད་རྩི་འཁྱིལ་བ་བྱང་སྒོར་འབྱུང་བ་སྟེ། །ཤར་ལྷོ་མཚམས་སུ་མི་གཡོ་མགོན་པོ་དང་། །འདོད་པའི་རྒྱལ་པོ་ལྷོ་ནུབ་གྲྭར་དགོད་ཅིང་། །བྱང་ཤར་དུ་ནི་དབྱུག་པ་སྔོན་པོ་ཅན། །སྟེང་ཕྱོགས་གཙུག་ཏོར་འཁོར་ལོས་སྒྱུར་བ་
D453.082.0238b05.01སྟེ། །འོག་ཕྱོགས་གནོད་མཛེས་རྒྱལ་པོ་རྣམ་པར་བསམ། །དེ་ལྟར་རྣམ་པར་བསམས་པའི་དཀྱིལ་འཁོར་ལ། །ཐམས་ཅད་ཞལ་གསུམ་ཕྱག་ནི་དྲུག་པ་སྟེ། །རྣམ་པ་མ་ལུས་གསལ་བའི་རྒྱན་དང་ལྡན། །རིན་ཆེན་འོད་འཕྲོ་ནོར་བུའི་སྙིང་པོར་བཅས། །ཇི་བཞིན་བལྟས་ཏེ་
D453.082.0238b06.01དེ་ཡི་གཙོ་བོ་ཡི། །ཐུགས་ཀའི་ཟླ་གནས་མཆོག་གི་ས་བོན་ལས། །འོད་ཟེར་དུ་མའི་རྣམ་པ་རབ་སྤྲོས་པས། །ཕྱོགས་བཅུའི་སངས་རྒྱས་བླ་མར་བཅས་པ་དང་། །རིག་མ་ལྷ་མོའི་མཚེད་པ་ཁྲོ་བོར་བཅས། །བྱང་ཆུབ་སེམས་དཔའི་ཚོགས་རྣམས་མ་ལུས་པ། །བར་སྣང་ཞིང་
D453.082.0238b07.01