完整藏文原文 · 德格版页 当前仅加载第 82 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་མཆོག་ཏུ་གནས་པ་ཡི། །ཡེ་ཤེས་དྲི་མེད་དྲ་བ་གསུངས། །འགྲོ་ཀུན་འཁོར་བའི་མུན་པ་ཡི། །ཉོན་མོངས་རྟོག་པ་གཞོམ་པ་དང་། །ཚེ་འདིར་མཆོག་དོན་ཐོབ་བྱའི་ཕྱིར། །དགྱེས་པ་ཆེན་པོ་འདིར་གཞུག་བྱ། །བྱང་ཆུབ་སེམས་དཔའ་ཆེ་རྣམས་ཀྱིས། །
D453.082.0279b01.01གསང་བའི་དོན་ལ་གསོལ་བ་གང་། །ཡོན་ཏན་ཐམས་ཅད་འབྱུང་བའི་གནས། །ཐར་པའི་གྲོང་ཁྱེར་བསྟན་དུ་གསོལ། །དེ་སྐད་ལན་གསུམ་བརྗོད་པ་ཡི། །གཞན་དོན་ཚུལ་འདི་བསྟན་པ་སྟེ། །བསྙེན་པ་ཉེ་བར་སྒྲུབ་པ་དང་། །སྒྲུབ་པ་སྒྲུབ་པ་ཆེན་པོ་སྟེ། །རྣལ་
D453.082.0279b02.01འབྱོར་བཞིར་ནི་བརྗོད་པ་ཡིན། །དང་པོའི་མཚན་ཉིད་གསང་བ་དང་། །ཉེར་སྤྱད་ཆོ་ག་ཚུལ་བཞིན་ཏེ། །བྱང་ཆུབ་སེམས་ལས་རབ་བྱུང་བ། །གསང་བ་ཚུལ་འདི་བསྟན་པའོ། །གསང་བ་ཆོ་ག་ངེས་བསྟན་བྱ། །ས་བཙལ་བ་དང་ས་བརྟག་པ། །ས་བསླང་ས་གཟུང་
D453.082.0279b03.01ས་གནས་པ། །སྦྱང་དང་དག་བྱེད་རིམ་པས་བྱ། །རི་བོའི་ངོགས་དང་དབེན་གནས་དང་། །ཚལ་དང་སྐྱེ་བོ་མེད་གནས་པ། །དུར་ཁྲོད་ཆུ་ངོགས་གླིང་དག་དང་། །བྱིན་རླབས་ལྡན་སོགས་གནས་སུ་ཤིས། །ཤར་དང་ལྷོ་དང་ནུབ་དང་བྱང་། །རིམ་པས་དུས་ཀྱི་དབྱེ་བ་ཡིས། །
D453.082.0279b04.01ཉམས་དགའ་བ་ཡི་ས་ཕྱོགས་སུ། །ཡེ་ཤེས་ལྡན་པས་ཉེ་བར་འགྲུབ། །སྣུམ་ཞིང་མཉམ་ལ་ཚྭ་སྒོ་མེད། །སྐྱོན་མེད་ཕྱོགས་ན་ཡིད་འོང་ཡིན། །རིང་དུ་བརྐོས་ས་སླར་ཁེངས་ཤིང་། །ལྷག་པར་འཕེལ་ན་ཤིས་པར་གྲགས། །ཕྱེད་གྱུར་མཉམ་དང་བྲི་དང་མཐོ། །རིམ་ཤེས་
D453.082.0279b05.01ལྟོ་འཕྱེ་ཆེན་པོ་ཡི། །མདུན་ཕྱོགས་ལྟོ་བར་ཁ་བལྟས་བརྐོ། །ཡུལ་དེར་གནས་པའི་ལྷ་ཀླུ་དང་། །གང་ཡང་རུང་བ་ས་ལྷ་མོ། །མཆོད་བསྟོད་གཏོར་མ་སྔོན་འགྲོ་བས། །ངེས་པར་གནང་བ་བྱིན་པར་བསམ། །ཁྲོ་བོ་ཆེན་པོ་དུ་མ་དང་། །ཡང་ན་བདུད་རྩི་འཁྱིལ་བ་ཡིས། །
D453.082.0279b06.01བསྲུང་ཞིང་བདག་ལ་མཆོག་སྩོལ་བར། །བསམ་པ་ཡེ་ཤེས་རྣལ་འབྱོར་ཡིན། །གཤེད་རྗེས་ས་ཡི་ལྷ་མོ་དག །བདག་ལ་གནང་བ་བྱིན་ནས་ནི། །བར་སྣང་བཞུགས་པ་དེ་ཉིད་ཀྱང་། །ཤིན་ཏུ་དགྱེས་པས་བརྟན་པར་བཞུགས། །ཐུན་མོང་བ་དང་ཁྱད་པར་གྱིས། །སྦྱང་བ་སྔོན་དུ་
D453.082.0279b07.01