完整藏文原文 · 德格版页 当前仅加载第 82 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
བཞི་ལྡན་ལམ་བགྲོད་རྡོ་རྗེ་དང་། །དཀྱིལ་འཁོར་ཆོས་འབྱུང་པདྨའི་སྡོང་པོར་འབྱུང་། །ས་ལམ་ཁྱད་པར་རིགས་དང་ལྡན་པའི་ཆོས། །འཁོར་ལོས་སྒྱུར་རྒྱལ་རིན་ཆེན་བདུན་ལྡན་པའི། །གསང་བའི་མས་འཇུག་ཡས་བབས་ཚུལ་ཤེས་པས། །སྤྲེའུ་ཁྭ་ཏའི་ཚུལ་ལས་བསྟན་པ་
D453.082.0309b01.01ཡིན། །རྡོ་རྗེ་གསུམ་དང་ཟླ་བ་ཉི་མ་དང་། །མུན་པ་དག་གིས་རྟོགས་པ་གང་ཡིན་པ། །མེ་ལོང་གཟུགས་བརྙན་རྡོ་རྗེ་སེམས་དཔའི་སྐུ། །ཡེ་ཤེས་འཇའ་ཚོན་ཆུ་ཡི་ཟླ་བར་སྟོན། །མེ་འོད་འབར་བས་ཀུན་ནས་སྣང་བ་ཆེ། །དེས་ཁྱབ་ཀུན་དུ་སྟོན་པ་དེ་བཞིན་གཤེགས། །རིགས་ཀྱི་སྐུ་
D453.082.0309b02.01དང་ས་བོན་མཚན་མར་སྣང་། །དེ་ཉིད་སངས་རྒྱས་མཆོག་ཏུ་འབྱུང་བ་ལས། །དེ་དག་གནས་སྐབས་ཕྲིན་ལས་དངོས་གྲུབ་ཀུན། །དུ་མའི་མཐུ་སྟོབས་ཡོན་ཏན་དཔལ་དུ་འཆར། །དུ་བ་སྨིག་རྒྱུ་སྲིན་བུ་མེ་ཁྱེར་བ། །མར་མེ་འབར་དང་མཁའ་སྣང་དག་པ་སྟེ། །སྣ་ཚོགས་རྟགས་དང་ཡོན་ཏན་
D453.082.0309b03.01མི་ཟད་པ། །གྲུབ་པ་སྤྱོད་པས་རྒྱུ་འབྲས་ཐ་དད་པ། །མ་འདྲེས་ཡོངས་སུ་དག་པ་དུས་མེད་པ། །བསྐལ་པ་གྲངས་མེད་སྐད་ཅིག་སྒྱུ་མ་ཡིས། །གསུམ་གྱི་དུས་ལ་འདའ་བ་དབང་ཕྱུག་མཆོག །ཁ་སྦྱར་བདེ་ཆེན་སྐུ་ནི་རྡོ་རྗེ་འཆང་། །དཀྱིལ་འཁོར་བདག་པོ་དཔལ་ལྡན་བྱང་ཆུབ་སེམས། །
D453.082.0309b04.01དེས་ནི་དག་དང་མ་དག་ཞིང་ཁམས་སུ། །མཛད་པ་རྒྱ་མཚོ་སྤྲུལ་པའི་སྣང་བ་ཡང་། །བསམ་གྱིས་མི་ཁྱབ་ཡེ་ཤེས་རོལ་པར་སྟོན། །རྡོ་རྗེ་སེམས་དཔའ་དང་པོའི་མགོན་པོར་ནི། །སྤྲོས་མེད་བདེ་ཆེན་མི་འགྱུར་གཅིག་པ་ཉིད། །ལྷུན་གྱིས་གྲུབ་པའི་རང་བྱུང་ངང་ལ་བཞུགས། །ཞེས་གསུངས་
D453.082.0309b05.01པ་དང་། འདུས་པ་རྣམས་ཀྱིས་དགྱེས་པས་ཡོངས་སུ་ཁྱབ་ཅིང་སེམས་ཀྱི་རྟོག་པ་ཡོངས་སུ་ཆོད་དེ་ཅང་མི་སྨྲ་བར་རང་རང་གི་སྟན་ལ་འདུག་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་
D453.082.0309b06.01པ་མཉམ་པ་ཉིད་རྣམ་པར་རྒྱལ་བ་ལས་སངས་རྒྱས་ཐམས་ཅད་ཀྱི་རྟེན་ཅིང་འབྲེལ་བར་འབྱུང་བ་ལ་གནས་པར་བསྟན་པའི་ལེའུ་སྟེ་བདུན་ཅུ་གསུམ་པའོ།། །།དེ་ནས་གསང་བ་རྡོ་རྗེ་འཛིན། །རྡོ་རྗེ་རྒྱལ་པོ་འཁོར་ལོའི་གཙོ། །བདག་མེད་ཡེ་ཤེས་རྒྱལ་པོ་ཆེ། །ཅི་ཡང་མི་གསུང་
D453.082.0309b07.01