完整藏文原文 · 德格版页 当前仅加载第 82 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་དོན་གྱི་རྒྱལ་པོའོ། །དེ་ནས་རྒྱལ་པོ་རྡོ་རྗེ་འཛིན། །རྡོ་རྗེ་སྐྱེ་བོ་འོད་ཆེན་པོ། །འདོད་དང་ཐར་པ་རྡོ་རྗེ་འཛིན། །ཡེ་ཤེས་གསང་བ་བཀའ་སྩལ་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུས་པར་གྱུར་ནས་བཅོམ་ལྡན་འདས་དེ་བཞིན་གཤེགས་པ་ཐམས་
D453.082.0210b01.01ཅད་ཀྱི་སྐུ་དང་གསུང་དང་ཐུགས་རྡོ་རྗེའི་དེ་བཞིན་གཤེགས་པ་ལ་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དམ་ཚིག་གིས་གསོལ་བ་བཏབ་པ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་ཡེ་ཤེས་ཀྱི་ནོར་བུ་ཆེན་པོ་དུ་མའི་ཚོགས་ཀྱིས་ཡང་དག་པར་མཆོད་པར་
D453.082.0210b02.01བྱས་སོ། །མཆོད་པར་བྱས་ནས་ཀྱང་སངས་རྒྱས་ཐམས་ཅད་ཀྱི་མདུན་དུ་བདར་ཞིང་འདུག་སྟེ་གསང་ཆེན་གྱི་དོན་ལ་ཕྱོགས་གཅིག་ཏུ་ཞུགས་ཏེ་ཡོངས་སུ་སྤྱོད་པར་གྱུར་ཏོ། །དེ་ལ་འདི་ནི་གསང་ཆེན་གྱི། །སྐུ་གསུམ་བླ་མེད་ཕྱག་རྒྱ་ཆེ། །དུས་གསུམ་རྒྱལ་བ་མ་ལུས་པའི། །ཆོས་རྣམས་འདུས་པའི་
D453.082.0210b03.01མཆོག་ཡིན་ཏེ། །འདི་ནི་ཁྱད་པར་དུས་འབྱུང་བའི། །དམ་ཚིག་མཆོག་ཏུ་བརྟག་པ་ཡིན། །དེ་ནས་བཅོམ་ལྡན་འདས་དེ་བཞིན་གཤེགས་པ་གཟུགས་བཟང་པོ་སངས་རྒྱས་ཐམས་ཅད་ཀྱི་ཡེ་ཤེས་རྡོ་རྗེ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0210b04.01དཔལ་ལྡན་སངས་རྒྱས་སྐུས་ཁྱབ་པ། །སྐུ་ཡི་རྫུ་འཕྲུལ་མཐའ་ཡས་པ། །ཇི་སྙེད་སྐུ་ཡི་རྣམ་པ་མངའ། །གསང་བ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱལ་པོ་དོན་གྲུབ་སངས་རྒྱས་ཐམས་ཅད་ཀྱི་མོས་པ་སྣ་ཚོགས་མཁྱེན་པའི་སྟོབས་ཀྱི་ཏིང་
D453.082.0210b05.01ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དེ་བཞིན་གཤེགས་པའི་གསུང་གི་གནས། །གསུང་གཅིག་གནས་ལས་གྱུར་མེད་ཀྱི། །མོས་པ་དུ་མས་སོ་སོར་ཐོས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་
D453.082.0210b06.01སེང་གེའི་སྡེ་སངས་རྒྱས་ཐམས་ཅད་ཀྱི་བསམ་གཏན་དང་ཏིང་ངེ་འཛིན་མཁྱེན་པའི་སྟོབས་རྡོ་རྗེ་སངས་རྒྱས་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དེ་བཞིན་གཤེགས་པའི་ཐུགས་དག་ལ། །ཡེ་ཤེས་སྣ་ཚོགས་ཏིང་འཛིན་ལས། །མི་འགྱུར་ནམ་མཁའི་
D453.082.0210b07.01