完整藏文原文 · 德格版页 当前仅加载第 82 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་རབ་ཏུ་ཞི་བའི་སྟོབས་སངས་རྒྱས་ཐམས་ཅན་ཀྱི་འགྲོ་དྲུག་འདུལ་བའི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཅན་མ་ལུས་སྲོག་གྱུར་པ། །སྙིང་པོ་བདུད་རྩི་བྱང་ཆུབ་སེམས། །འཕོ་བ་མེད་པར་རང་
D453.082.0255b01.01འདིར་རྒྱལ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདུད་རྩིའི་བདག་པོས་སངས་རྒྱས་ཐམས་ཅད་ཀྱི་རྒྱལ་བ་འགྲོ་བ་སྐྱོབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡང་
D453.082.0255b02.01དག་ཚད་མེད་བཞི་ལྡན་པས། །རྒྱུ་དང་ལམ་དང་ཡུལ་གྱིས་ནི། །དམིགས་བཅས་དམིགས་མེད་རིམ་པ་དག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལྷུན་པོའི་འོད་སངས་རྒྱས་ཐམས་ཅད་ཀྱི་མཛེས་པ་བླ་ན་མེད་པ་རྡོ་རྗེའི་ཏིང་ངེ་
D453.082.0255b03.01འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདུས་མ་བྱས་ཤིང་རྣམ་དབྱེ་མེད། །ཆོས་ཉིད་ངོ་བོ་ཉིད་འབྱུང་བ། །དག་པའི་ཕྱིར་ན་འོད་གསལ་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འཕགས་
D453.082.0255b04.01པས་བསྟོད་པ་དྲི་མ་མེད་པ་ཡོངས་སུ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སེམས་ཉིད་ཉོན་མོངས་ཅན་མིན་པ། །བློ་བུར་དྲི་མ་རླུང་ལས་བྱུང་། །དེས་བླངས་འཛིན་བས་རྣམ་འཁྲུལ་ཏེ། །བྱང་ཆུབ་ཚུལ་འདི་བསྟན་པའོ། །ཞེས་
D453.082.0255b05.01གསུངས་སོ། །དེ་ནས་དེ་བཞིན་གཤེགས་པ་སྣང་ལྡན་སངས་རྒྱས་ཐམས་ཅད་ཀྱི་ལྷན་ཅིག་ཏུ་འབྱུང་བ་ཡེ་ཤེས་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་ཉིད་དང་ལ་རང་གནས་པའི། །རླུང་ནི་ཕྲ་བ་འཇུག་བྱེད་ཅིང་། །དག་པ་ཡེ་
D453.082.0255b06.01ཤེས་ཚུལ་དུ་འཇུག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་འབར་བས་སངས་རྒྱས་ཐམས་ཅད་ཀྱི་དག་པ་ཆེན་པོ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཐའ་གཉིས་ལས་ནི་རྣམ་
D453.082.0255b07.01