完整藏文原文 · 德格版页 当前仅加载第 82 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལྷ་ཡི་གཙོ། །མོས་པ་སྣ་ཚོགས་མཁྱེན་པའི་སྟོབས་ཞེས་བརྗོད། །ཀོ་ཊ་ཝདྷ་མེ་དང་མཉམ་གནས་པ། །ཆོས་ཀུན་རྩ་བ་སྙིང་པོ་སྲོག་ཡིན་ཏེ། །མི་བརྗེད་དྲན་པའི་དབང་པོ་སེམས་ལ་དབང་། །བསམ་གཏན་ཉིད་དང་ཏིང་འཛིན་མཁྱེན་སྟོབས་གྱུར། །ཀོ་ཊ་བ་ཤ་
D453.082.0234b01.01སྲོག་འཛིན་རླུང་གྱུར་པས། །མཉམ་བཞག་ཏིང་འཛིན་དབང་པོ་དང་ལོངས་སྤྱོད། །རྣམ་པར་ཐར་པ་བསམ་གྱིས་མི་ཁྱབ་དང་། །སྙོམས་པར་འཇུག་པ་མཁྱེན་པའི་སྟོབས་ཞེས་བརྗོད། །ཀུ་ཏི་ད་ར་ཁྱབ་བྱེད་རླུང་དུ་གྱུར། །ཆོས་རྣམས་འབྱེད་པ་ཤེས་རབ་དབང་པོ་སྟེ། །སྐྱེ་བ་ལ་
D453.082.0234b02.01དབང་ཀུན་ནས་ཉོན་མོངས་དང་། །རྣམ་པར་བྱང་བ་མཁྱེན་པའི་སྟོབས་ཞེས་བརྗོད། །ཀོ་ལ་ཊ་ཀྵྱ་འདི་ནི་རྒྱུ་བའི་རླུང་། །སྤྱོད་ཡུལ་དད་པའི་སྟོབས་དང་ལྡན་པ་ལས། །རྫུ་འཕྲུལ་བ་དང་ལས་ཀྱི་འཇུག་པ་དང་། །ལས་ཀྱི་རྣམ་པར་སྨིན་པ་མཁྱེན་པའི་སྟོབས། །ཀོ་ལ་བྷྱ་ཞེས་རབ་
D453.082.0234b03.01ཏུ་རྒྱུ་བ་སྟེ། །རྒྱུན་ཆད་མེད་པ་བརྩོན་འགྲུས་སྟོབས་མཆོག་གྱུར། །མོས་པ་ལ་དབང་འབྱུང་འཇུག་ཕྲིན་ལས་ལ། །ཐམས་ཅད་ཉིད་དུ་སོན་པའི་ལས་མཁྱེན་སྟོབས། །ཀོ་ལ་ལོ་བྷ་མངོན་པར་རྒྱུ་བ་ཉིད། །གཟུངས་འགྱུར་དྲན་པའི་སྟོབས་ལས་རྡོ་རྗེ་ཆེ། །ཞིང་ཁམས་སྤྱོད་པའི་སྨོན་
D453.082.0234b04.01ལམ་གནས་མཁས་པ། །སྔོན་གྱི་གནས་རྣམས་མ་ལུས་མཁྱེན་པར་བརྗོད། །ཀོ་ཊ་བྷི་ཞེས་ཁྱད་པར་རབ་རྒྱུ་བ། །དྲི་མེད་ཏིང་འཛིན་སྟོབས་ནི་རྩལ་ལྡན་པ། །ཡེ་ཤེས་ལ་དབང་ཕུན་སུམ་ཚོགས་པའི་ཡུལ། །འཆི་འཕོ་བ་དང་སྐྱེ་བའི་གནས་སྟོབས་གྱུར། །ཀོ་ལ་ཏ་ཐཱ་ན་ཞེས་
D453.082.0234b05.01ཀུན་དུ་རྒྱུ། །ཤེས་རབ་སྟོབས་ལྡན་ཆོས་ལ་དབང་བ་གང་། །ཟག་པ་ཟད་པ་མཁྱེན་པའི་སྟོབས་ཡིན་ནོ། །འདི་དག་གནས་ཞེས་མཉམ་བཞག་སྤྱོད་པ་ཅན། །ཉེ་བའི་གནས་ཞེས་མཉམ་ལོངས་སྤྱོད་པའི་ཡུལ། །ཞིང་ནི་དབང་པོ་ལྔ་ཡི་ཡུལ་ཉིད་དེ། །ཉེ་ཞིང་འདོད་ཡོན་རྡོ་རྗེའི་
D453.082.0234b06.01སྤྱོད་ཡུལ་གང་། །ཚན་དྷོ་དཀྱིལ་འཁོར་རང་ལ་རྫོགས་པའི་གནས། །ཉེ་ཚན་བརྟན་གཡོ་དཀྱིལ་འཁོར་འཁོར་ལོ་ཡི། །འདུས་བྱས་བྱང་ཆུབ་སེམས་ཀྱི་རྡོ་རྗེར་འགྱུར། །ཉེར་འདུ་ཚད་མེད་བཞི་ལྡན་རང་བྱུང་བ། །དུར་ཁྲོད་བདེ་ཆེན་ལྷན་ཅིག་རོལ་པ་ཆེ། །ཉེ་བའི་དུར་ཁྲོད་ཡེ་
D453.082.0234b07.01