完整藏文原文 · 德格版页 当前仅加载第 82 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་ཡི། །རིགས་ཀྱི་དཀྱིལ་འཁོར་བླ་མེད་བསྟན་པ་ཡི། །སྙིང་པོ་ཡོངས་སུ་བསྡུས་པ་རྡོ་རྗེ་འཆང་། །དེ་ཉིད་དཀྱིལ་འཁོར་ཚུལ་ནི་བསྟན་པ་ཡིན། །དལ་འབྱོར་འདི་ནི་ཤིན་ཏུ་གཡོ་འགྱུར་ཞིང་། །འཇིག་རྟེན་སྐྱེ་བོ་དམ་པ་ཕྲད་རྙེད་དཀའ། །དེ་བས་
D453.082.0237a01.01ཐབས་དང་ཤེས་རབ་ལ་གཞོལ་བའི། །ཡིད་ལ་བྱེད་པ་མཆོག་དེ་བསྒྲུབ་པར་བྱ། །དེ་ལ་ཐོག་མར་རེ་ཞིག་བསྟན་པ་ཡི། །སངས་རྒྱས་ཐེག་པ་བསམ་པ་རིག་འཇུག་སྟེ། །རྡོ་རྗེ་འཛིན་པ་སྙིང་རྗེའི་སྟོབས་ཀྱིས་ནི། །བྱང་ཆུབ་མཆོག་ཏུ་སེམས་ནི་བསྐྱེད་པ་དང་། །གཏོང་བ་ལ་
D453.082.0237a02.01སོགས་ཡོན་ཏན་རྣམས་ཀྱིས་བརྒྱན། །ཟབ་མོའི་ཚུལ་དག་ལ་ནི་རབ་ཏུ་མོས། །དཔལ་ལྡན་འདུས་པར་དཀྱིལ་འཁོར་ཆེན་པོ་ནི། །རང་ཉིད་དབང་བསྐུར་ཕུན་སུམ་ཚོགས་ལྡན་པའི། །ཆོ་ག་རིམ་བཞིན་རྗེས་གནང་ཐོབ་པ་ཡི། །བློ་དང་ལྡན་པས་གསང་སྔགས་བསྙེན་པར་
D453.082.0237a03.01བྱ། །ལ་ལར་དྲི་མེད་ཆུ་ནི་ཕུན་ཚོགས་ཤིང་། །འབྲས་ལྡན་ལྗོན་ཤིང་མཛེས་པས་རྣམ་བརྒྱན་པའི། །རི་བོའི་ཚང་ཚིང་གནས་སུ་བཅོམ་ལྡན་འདས། །དཔལ་ལྡན་རྡོ་རྗེ་འཛིན་པ་བསྒྲུབ་པར་བྱོས། །དང་པོར་ཐོ་རངས་སྙིང་གར་ཟླ་དབུས་སུ། །འོད་ཟེར་རབ་འཕྲོ་དྲི་མེད་ཡི་གེ་
D453.082.0237a04.01ཧཱུྃ། །དཔལ་མཆོག་དེ་ཉིད་རྣམ་དགོང་བརྩེར་ལྡན་པའི། །ཁ་གདོང་ལ་སོགས་ཤིན་ཏུ་དག་པར་བྱ། །ཙནྡན་དྲི་ཞིམ་བྱུང་པས་ལེགས་བྱུགས་ཤིང་། །བཟང་པོའི་མེ་ཏོག་སིལ་མ་གོར་ནས་ཀྱང་། །སྟོང་ཉིད་ཡེ་ཤེས་མཆོག་གིས་ཡི་ཆར། །རིམ་གྱིས་བསྐྱེད་པ་རྫོགས་
D453.082.0237a05.01ཚུལ་ལྡང་བ་ནི། །དེ་འོག་ཧཱུྃ་ཡྃ་རྃ་བྃ་ལྃ་བཅས་ཧཱུྃ། །རྡོ་རྗེའི་ས་གཞི་དཀྱིལ་འཁོར་ཁ་དོག་དང་། །དབྱིབས་དང་མཚན་མའི་བྱེ་བྲག་འབྱུང་པ་ནི། །ཤིན་ཏུ་གསལ་ཞིང་དག་པར་རྣམ་པར་བསམ། །ཀུན་བཟང་ལས་བྱུང་བསམ་པར་བྱ་བ་ནི། །སྟོན་ཀའི་ཟླ་བ་ལྟ་བུར་རབ་
D453.082.0237a06.01དཀར་བ། །མཐའ་ཡས་ཕྱོགས་གནས་སྣ་ཚོགས་འོད་དང་ལྡན། །གྲུ་གསུམ་གྱེན་དུ་གནས་པའི་ངོ་བོ་ནི། །ནམ་མཁའ་རང་གི་ངོ་བོ་རང་རིག་པ། །ཆོས་ཀྱི་འབྱུང་གནས་བྷ་གའི་པདྨ་ཉིད། །དེ་ཡི་དབུས་སུ་རིག་འཛིན་དབང་པོ་དང་། །བྱིན་ཟ་གཞོན་ནུ་བདག་མོའི་རང་བཞིན་
D453.082.0237a07.01