完整藏文原文 · 德格版页 当前仅加载第 82 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཐམས་ཅད་ཀྱི་ཆོས་ཀྱི་དུང་བླ་ན་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །ཕྱོགས་བཅུའི་ཞིང་ཁམས་མཐའ་ཡས་པར། །རབ་སྟོན་དམ་པའི་ཆོས་ཀྱི་སྒྲ། །རྣམ་པ་ཀུན་དུ་གྲགས་པའི་
D453.082.0173a01.01དབྱངས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རིན་ཆེན་མཐོན་པོ་སངས་རྒྱས་ཐམས་ཅད་ཀྱི་དམ་པ་ཆོས་ཀྱི་གཎྜཱི་རབ་ཏུ་བརྡུངས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །
D453.082.0173a02.01གང་དུ་ཆོས་ཀྱི་དོན་སྟོན་པ། །ཚད་མེད་བསྡུ་དངོས་བཞི་དག་གིས། །སྡུད་ཅིང་གྲོལ་བྱེད་ཐེག་པའི་མཆོག །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྒྱ་མཚོའི་ས་འཛིན་སངས་རྒྱས་ཐམས་ཅད་ཀྱི་དམ་པའི་ཆོས་ཀྱི་རྔ་བོ་ཆེ་སྒྲོག་པ་
D453.082.0173a03.01རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རྟོག་པ་མེད་པ་རིན་ཆེན་རྔ། །བདེ་གཤེགས་གསུངས་ནི་བསྟན་པའི་ཕྱིར། །རྟག་ཏུ་སྐུལ་བའི་སྒྲ་འབྱུང་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་
D453.082.0173a04.01སོ། །དེ་ནས་དེ་བཞིན་གཤེགས་པ་དོན་གྱི་བློ་མངའ་བ་སངས་རྒྱས་ཐམས་ཅད་ཀྱི་ཆོས་ཀྱི་འཁོར་ལོ་རབ་ཏུ་བསྐོར་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གདུལ་བྱའི་བསམ་པ་མཁྱེན་ནས་ནི། །རྟོག་མེད་
D453.082.0173a05.01ཡེ་ཤེས་ཁམས་འཇུག་པས། །ཆོས་ཀྱི་འཁོར་ལོ་བསྟན་པ་ནི། །བྱང་ཆུབ་ཚུལ་མཆོག་བསྟན་པ་ཡིན། །ཞེས་གསུངས་སོ། །བྱང་ཆུབ་སེམས་དཔའི་ཚོགས་ཆེན་གྱིས། །རིག་པའི་ལྷ་མོ་སྣ་ཚོགས་དང་། །ཐབས་ཅིག་རོལ་པ་བསྟན་མཛད་དེ། །གསང་བ་གསུངས་པའི་
D453.082.0173a06.01དོན་བརྗོད་དོ། །ཇི་ལྟར་ཕྱི་རོལ་དེ་བཞིན་ནང་། །དངོས་པོ་ཅི་བཞིན་རང་རིག་ལའང་། །རྒྱུ་འབྲས་བྱེ་བྲག་ཐ་དད་པ། །མ་འདྲེས་ཡེ་ཤེས་ཚུལ་དུ་གནས། །ནང་གནས་ཇི་བཞིན་ཕྱི་རོལ་འབྱུང་། །བར་མ་གསང་བ་མཆོག་སྤྱོད་པ། །རྨད་དུ་བྱུང་བ་ཆེན་པོ་སྟེ། །ངོ་བོ་ཉིད་ཀྱི་
D453.082.0173a07.01