完整藏文原文 · 德格版页 当前仅加载第 82 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ཏེ་ཉིད་ལམ་གྱུར་པ། །བཏགས་པའི་དྲི་མ་དག་པར་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལྷའི་འོད་ཟེར་སངས་རྒྱས་ཐམས་ཅད་ཀྱི་གཟའ་ཆེན་པོ་བརྒྱད་ཀྱི་གདོན་རྣམ་པར་དག་པར་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0219b01.01ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་རྐྱེན་ལས་བསྐྱེད་པ་ཡི། །རྣམ་པ་ཕན་ཚུན་ལྟོས་ལས་བྱུང་། །གཞན་དབང་དག་པའི་ཡེ་ཤེས་ནི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡུལ་འཁོར་ཏོག་སངས་
D453.082.0219b02.01རྒྱས་ཐམས་ཅད་ཀྱི་རྒྱུ་སྐར་གྱི་གདོན་མ་ལུས་པ་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་ཕྱིན་ཅི་མ་ལོག་པའི། །གནས་ཚུལ་ཡོངས་སུ་རྫོགས་གྲུབ་པ། །དེ་བཞིན་ཉིད་དང་ཡེ་ཤེས་དོན། །མི་འགྱུར་དེ་
D453.082.0219b03.01བཞིན་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་པདྨའི་གེ་སར་སངས་རྒྱས་ཐམས་ཅད་ཀྱི་ལྷ་མ་སྲིན་སྡེ་བརྒྱད་ཀྱི་རིས་ཀྱི་གདོན་ཐམས་ཅད་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0219b04.01ཆོས་རྣམས་དག་པའི་མཚན་ཉིད་ཅན། །རང་བཞིན་སྒྱུ་མར་སྣང་བ་གང་། །ངོ་བོ་ལྷུན་གྲུབ་དབྱེར་མེད་ལས། །བྱང་ཆུབ་ཚུལ་འདི་བསྟན་བའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་དཔག་མེད་སངས་རྒྱས་ཐམས་ཅད་ཀྱི་ཕྱོགས་སྐྱོང་བ་བཅུའི་གནོད་
D453.082.0219b05.01པའི་གདོན་ཡོངས་སུ་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་ཀུན་གྱི་ངོ་བོ་ཉིད། །མ་ནོར་མངོན་པར་ཐུགས་ཆུད་པས། །སྐྱོབ་པ་ཐུགས་རྗེའི་ངོ་བོ་ལས། །བྱང་ཆུབ་ཚུལ་འདི་བསྟན་པའོ། །ཞེས་
D453.082.0219b06.01གསུངས་སོ། །དེ་ནས་དེ་བཞིན་གཤེགས་པ་ལྷའི་འོད་ཟེར་སངས་རྒྱས་ཐམས་ཅད་ཀྱི་རཱ་ཧུ་ལ་རྣམ་པར་དག་པ་རྡོ་རྗེ་སངས་རྒྱས་ཐམས་ཅད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བག་ཆགས་དག་པའི་རྒྱུད་ལས་ནི། །མ་རིག་པ་དང་བྲལ་
D453.082.0219b07.01