完整藏文原文 · 德格版页 当前仅加载第 82 函德格 253b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་རབ་ཏུ་ཞི་བས་སངས་རྒྱས་ཐམས་ཅད་ཀྱི་ལྷག་པར་གནས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཚུངས་མེད་སྟོན་པ་གཅིག་པ་དང་། །དུ་མ་ལས་ནི་ཡོངས་གྲོལ་ཞིང་། །ཀུན་རྫོབ་ཐ་སྙད་ཟད་བྱེད་པ། །བྱང་
D453.082.0253b01.01ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཉི་མའི་ཞལ་གྱིས་སངས་རྒྱས་ཐམས་ཅད་ཀྱི་ཀུན་ནས་དག་པའི་ཀློང་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་ནས་སངས་རྒྱས་མ་ལུས་པའི། །
D453.082.0253b02.01བསྟན་པ་གཞན་དོན་ཕྱིར་འབྱུང་བ། །ཐུབ་པ་བརྡལ་བ་ཆེན་པོར་འབྱུང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐར་པ་ཐར་པའི་བརྟུལ་ཞུགས་ཀུན་ནས་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0253b03.01ཀྱི་སེམས་འདི་གསུངས་སོ། །བཅུ་གཉིས་སྤྱོད་པའི་ཚུལ་གྱིས་ནི། །ཡོན་ཏན་སྡུད་པའི་ཚུལ་འཆང་བ། །དམིགས་མེད་ཀུན་རྫོབ་དག་པ་ཆེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚུལ་ཁྲིམས་དྲི་མེད་འོད་ཀྱིས་སངས་རྒྱས་ཐམས་
D453.082.0253b04.01ཅད་ཀྱི་ཞལ་{བཟངས་,བཟང་}རྒྱས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཀུན་ནས་ཞལ་གྱི་སྣང་བའི་སྒོ། །དཔག་མེད་ཞལ་དང་ཕྱག་རྒྱ་དག །དུ་མར་སྣང་བའི་སྟོན་པ་པོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་
D453.082.0253b05.01བཞིན་གཤེགས་པ་བརྟུལ་ཞུགས་གནས་ཀྱིས་སངས་རྒྱས་ཐམས་ཅད་ཀྱིས་ཚུལ་ཟབ་པར་སྟོན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱིས་སེམས་འདི་གསུངས་སོ། །དྲང་སྲོང་སྤྱོད་པ་གཙང་མའི་གནས། །རི་སུལ་གནས་ལ་བརྟེན་པ་ཡི། །ཆོག་ཤེས་བག་ཡོད་སྙེངས་བྲལ་
D453.082.0253b06.01པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྡུལ་མེད་པས་སངས་རྒྱས་ཀྱི་སྣང་མེད་འོད་ཀྱི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཞི་བ་སྤྲོས་བྲལ་མཁའ་ལྟ་བུ། །མཐའ་དབུས་མེད་པའི་ངོ་བོ་
D453.082.0253b07.01