完整藏文原文 · 德格版页 当前仅加载第 82 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཕྲོས་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཡེ་ཤེས་ཀྱི་བདུད་རྩི་འོད་ཟེར་གྱི་རྣམ་པར་བྱོན་ཏེ་དེ་དག་སྔ་མ་དང་ཚུལ་གཅིག་ཏུ་གྱུར་པར་བལྟའོ། །དེ་ནས་ཡང་བདག་གི་ཐུགས་ཀ་ནས་འོད་ཟེར་དཔག་ཏུ་མེད་པ་འཕྲོས་པས་ཕྱོགས་བཅུའི་
D453.082.0321b01.01སངས་རྒྱས་དང་བྱང་ཆུབ་སེམས་དཔའ་རིག་མ་ལྷ་མོ་ཁྲོ་བོའི་ཚོགས་དུ་མའི་སྣང་བར་གྱུར་པ་བར་སྣང་རབ་ཏུ་གང་བའི་ཚོགས་ཐམས་ཅད་ཀྱི་དཀྱིལ་འཁོར་རྣམས་དང་བདག་དང་བཅས་པ་ཐམས་ཅད་ཀྱི་ལྗགས་ལ་ཧཱུྃ་ལས་བྱུང་བའི་རྡོ་རྗེ་དཀར་པོ་ནས་ཀྱི་འབྲུ་ཙམ་པ་དེའི་ལྟེ་
D453.082.0321b02.01བ་ཧཱུྃ་དང་བཅས་པ་ལས་འོད་ཟེར་གྱི་སྦུ་གུས་དྲངས་ནས་བདུད་རྩི་གསོལ་བར་བྱའོ། །དེས་བདག་གི་ལུས་ཀྱི་ལྷ་དང་དཀྱིལ་འཁོར་མ་ལུས་པ་ཡོངས་སུ་མཆོད་ཅིང་མཉེས་ཏེ་ཚིམ་པར་བལྟའོ། །འདིས་ནི་ཡེ་ཤེས་བདུད་རྩིའི་གནས། །བླ་མེད་ཁྱད་པར་འབྱུང་བ་ཉིད།།
D453.082.0321b03.01བདུད་རྩི་ཚིམ་ཁྱེད་མཆོག་གྱུར་བ། །བདེ་བ་ཆེན་པོས་གནས་པར་བྱ། །གང་ཞིག་བདུད་རྩིའི་རྣམ་པ་རུ། །རབ་འབབ་སྤྱི་བོ་ནས་རྟག་ཏུ། །ལྕེ་དབང་གིས་ནི་དེ་བཏུང་བ། །དེ་ལས་རྒ་ཤི་འཇིག་བྱེད་འགྱུར། །པདྨའི་སྡོང་པོ་ལས་ཇི་ལྟར། །ནུས་པ་ཆུ་ནི་འདྲེན་པ་ལྟར། །བཅུད་
D453.082.0321b04.01རྣམས་ཉེ་བར་འཐུང་བྱས་པས། །སྟོབས་འགྱུར་རྣལ་འབྱོར་འཚོ་བར་བྱེད། །གང་དུ་ནང་གི་བདག་ཉིད་དུས། །དེ་ནི་གསང་བ་བསྟན་པའོ། །ནང་གི་བདག་ཉིད་ཅན་དུས་འགྱུར། །དེ་ནས་ཡེ་ཤེས་ཕྲིན་ལས་འབྱུང་། །ཞེས་གསུངས་པ་དང་། བྱང་ཆུབ་སེམས་དཔའི་
D453.082.0321b05.01ཕྱག་ན་རྡོ་རྗེས་གསོལ་པ། བཅོམ་ལྡན་འདས་ནང་གི་བདག་ཉིད་ཅན་གྱི་དུས་ཞེས་གང་ལ་བགྱི། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་ནང་གི་བདག་ཉིད་ཅན་གྱི་དུས་ཞེས་བྱ་བ་འདི་ནི་གསང་བ་ཆེན་པོ་ཤིན་ཏུ་གསང་བ། ཤིན་ཏུ་ཕྲ་བའི་
D453.082.0321b06.01བྱང་ཆུབ་ཀྱི་སེམས་ཀྱིས་བྱིན་གྱིས་བརླབས་པ་ཡིན་ཏེ། དེ་ཉིད་རྣམ་པར་མི་རྟོག་པ། །ཆོས་ཉིད་ཡེ་ཤེས་ཆེས་ཕྲ་བས། །དེ་ཉིད་རྩ་ལས་རྒྱུ་བ་ཅན། །ཁོང་སྟོང་མེད་པའི་ངོ་བོ་ཉིད། །སེམས་ཅན་གྲོལ་བྱེད་ཡེ་ཤེས་ཡིན། །གསང་སྔགས་རྣལ་འབྱོར་དངོས་གྲུབ་སྟེར། །
D453.082.0321b07.01