完整藏文原文 · 德格版页 当前仅加载第 82 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གསུང་རྡོ་རྗེ་ཡེ་ཤེས་མཆོག་རྡོ་རྗེ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྐྱེ་བ་མེད་ཅིང་དམིགས་པ་མེད། །མི་ཕྱེད་ནམ་མཁའི་འབྱུང་གནས་ཏེ། །ཟབ་
D453.082.0118a01.01ཅིང་རྒྱ་ཆེའི་རང་བཞིན་ཅན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བྱང་ཆུབ་སེམས་དཔའ་ཆེན་པོ་ནམ་མཁའི་རྡོ་རྗེ་ཆོས་ཐམས་ཅད་ཀྱི་ཚུལ་གཅིག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །དོན་དམ་ཀུན་རྫོབ་རྟེན་འབྲེལ་
D453.082.0118a02.01ཙམ། །ཡང་དག་ཏུ་ན་གནས་པ་མེད། །ཆོས་རྣམས་དག་པ་ཡེ་ཤེས་ཆེ། །གནས་མེད་དམིགས་པ་མེད་པའོ། །ཞེས་གསུངས་སོ། །བྱང་ཆུབ་སེམས་དཔའ་ཆེན་པོ་དམ་ཚིག་རྡོ་རྗེ་ཆོས་ཐམས་ཅད་ལ་འཇུག་པའི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །
D453.082.0118a03.01རྒྱུ་དང་འབྲས་བུ་དག་པའི་ཆོས། །འགྲོ་ཞིང་ལྡོག་པའི་ཁྱད་པར་གྱིས། །རྟོག་པ་ཡང་དག་མི་དམིགས་པས། །སྤྲོས་མེད་གོས་པ་མེད་པའོ། །ཞེས་གསུངས་སོ། །བྱང་ཆུབ་སེམས་དཔའ་ཆེན་པོ་ཆོས་ཀྱི་དབྱིངས་ཐམས་ཅད་དང་མཉམ་པ་རྡོ་རྗེ་མི་ཟད་པ་སྒྱུ་མར་རོལ་པ་
D453.082.0118a04.01ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཆོས་དབྱིངས་ཡེ་ཤེས་ཁྱབ་པའི་སྐུ། །རྟོག་པ་མེད་ཅིང་དྲི་མ་མེད། །ཀུན་དུ་འབྱུང་ཞིང་དུས་གསུམ་དུ། །ཕྲ་ཞིང་བདག་མེད་ཚུལ་མཆོག་གོ། །ཞེས་གསུངས་སོ། །དེ་ནས་ཁྲོ་བོ་གཤིན་རྗེ་གཤེད། །རྡོ་རྗེ་འཁོར་
D453.082.0118a05.01ལོའི་ཏིང་ངེ་འཛིན། །ཐམས་ཅད་ཆོས་ཉིད་དག་པ་ལས། །མི་རྟོག་ནམ་མཁའ་དྲི་མ་མེད། །སྣང་བ་སྣ་ཚོགས་རང་གྲོལ་བ། །སེམས་ཀྱི་མཚན་ཉིད་རྟག་ཏུ་མེད། །ཅེས་གསུངས་སོ། །གཞན་གྱིས་མི་ཐུབ་རྡོ་རྗེ་ཡིས། །མངོན་པར་བྱང་ཆུབ་ལ་ཞུགས་ཏེ། །སྒྱུ་མར་སྣང་
D453.082.0118a06.01བ་རྨི་ལམ་ཚུལ། །རྟོག་དང་ནམ་མཁའ་དབྱེར་མེད་མཚན། །འདུ་འབྲལ་མེད་པའི་ཡེ་ཤེས་མཆོག །ཕྱག་རྒྱ་ཆེན་པོ་ཡང་དག་པའོ། །ཞེས་གསུངས་སོ། །ཁྲོ་བོ་པདྨའི་དམ་ཚིག་མཆོག །རིན་ཆེན་འབྱུང་གནས་ལ་བརྟེན་ཏེ། །ཆགས་པ་མེད་པའི་ཚུལ་མཆོག་གིས། །
D453.082.0118a07.01