完整藏文原文 · 德格版页 当前仅加载第 82 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པ་ཐམས་ཅད་དུ་ཕྱི་རོལ་གྱི་དོན་སྐྱེ་བ་ཡོད་པ་མ་ཡིན་ཏེ། འདི་ལྟར་མ་ལུས་པའི་རང་བཞིན་འདི་དག་བརྟགས་པས་སྟོང་པའི་སེམས་ཉིད་དེ། སྐྱེ་བ་དང་འགག་པ་དང་བྲལ་ཞིང་རང་བཞིན་གྱིས་དག་པ་གཉིས་སུ་མེད་པའི་ཡེ་ཤེས་ཀྱི་རྣམ་པར་ཡོངས་སུ་གསལ་
D453.082.0174a01.01བའོ། །ཆོས་རྣམས་ཐམས་ཅད་སེམས་ཡིན་ཏེ། །ལུས་དང་སེམས་ནི་དབྱེར་མེད་དེ། །རྟེན་དང་བརྟེན་པ་འཇུག་ལྡོག་གིས། །ཀུན་གྱི་གནས་སུ་ཤེས་པར་བྱ། །མཁའ་དབྱིངས་རྡོ་རྗེ་སྟོང་ཉིད་དེ། །དབུས་གནས་མངོན་པར་བྱང་ཆུབ་བརྗོད། །དེ་ཉིད་མེ་ལོང་ཡེ་ཤེས་ལྡན། །
D453.082.0174a02.01ཟླ་བའི་དཀྱིལ་འཁོར་རབ་ཏུ་བརྟག །ཉི་མ་མཉམ་ཉིད་ཡེ་ཤེས་ཏེ། །བདུན་དང་ལྡན་པའི་དབུས་ཉིད་དུའོ། །སྔགས་ནི་དབུས་སུ་གནས་གྱུར་གང་། །ས་བོན་སོ་སོར་རྟོག་པ་སྟེ། །མངོན་པར་བྱང་ཆུབ་པ་ཉིད་དོ། །རྡོ་རྗེ་ལ་སོགས་གང་གནས་པ། །སངས་རྒྱས་དཀྱིལ་འཁོར་
D453.082.0174a03.01བསྒོམ་པར་བྱ། །ཡོངས་སུ་རྫོགས་པའི་སྐུ་གསུང་ཐུགས། །ཞལ་གསུམ་རྩ་གསུམ་བརྗོད་པར་བྱ། །སྐུ་གསུམ་ལུས་ངག་ཡིད་ཡིན་ཏེ། །དེ་ཉིད་མངོན་པར་བྱང་ཆུབ་བརྗོད། །རྣམ་པར་འཕྲོ་བར་བསམ་བྱ་སྟེ། །རྡོ་རྗེ་འཁོར་ལོ་པདྨ་དང་། །ནོར་བུ་རལ་གྲི་འབར་བ་
D453.082.0174a04.01ལས། །འགྲོ་དྲུག་རྟོག་པ་གཅོད་ཕྱིར་ཏེ། །ཡེ་ཤེས་དྲུག་པའི་བདག་ཉིད་ཅན། །ཐབས་དང་ཤེས་རབ་མཉམ་སྦྱོར་བས། །བླ་མེད་མངོན་པར་བྱང་ཆུབ་བརྗོད། །ལུས་ངག་ཡིད་ནི་བྱང་ཆུབ་པ། །གསང་བ་དངོས་པོའི་དོན་ཡིན་ཏེ། །ལུས་ནི་བྱང་ཆུབ་རྣམ་ལྔ་དང་། །རྩ་དང་
D453.082.0174a05.01བྱང་ཆུབ་སེམས་དང་ནི། །མི་གཙང་རྫས་དང་རྣམ་རྟོག་གིས། །ལུས་ཀྱི་ཆོས་ནི་གནས་པ་ཡིན། །ངག་ནི་འབྱུང་བ་ལྔ་དག་དང་། །ཡི་གེ་སྒྲ་དང་སྔགས་རྣམས་ཏེ། །བརྗོད་པ་དང་ནི་དབྱངས་རྣམས་ཀྱིས། །ངག་གི་ཆོས་ནི་བསྡུས་པ་ཡིན། །སེམས་ནི་ཡེ་ཤེས་ལྔ་དག་དང་། །ཐིག་
D453.082.0174a06.01ལེ་བདེ་བ་ཉིད་དང་ནི། །སྣང་བ་གསུམ་དང་མི་རྟོག་པས། །སེམས་ཀྱི་ཆོས་ནི་གནས་པ་ཡིན། །སྣ་ཚོགས་གཟུགས་ཅན་སེམས་ཀྱི་དངོས། །སྲིད་གསུམ་ཆོས་དང་ཆོས་མིན་དང་། །ས་འོག་ས་སྟེང་ས་བླ་བ། །སྐྱེ་གནས་འབྱུང་བ་བརྟན་གཡོར་བཅས། །སེམས་ཉིད་ལུས་ནི་
D453.082.0174a07.01